من يقدر ينقي؟؟؟

[عبدالمجيد النفيعي]

أخوي المرشدي ، وجهكـ أبيض طال عمرك ، أخوي المورقي وجهك أبيض وهذه القصيدة من كتاب الحمدة نقلتها

قال اللذي بين من القلب مكنون = في حنكةٍ بالصدر مابان لحذاك
إترك عشيرٍ عشرته يوم أو دون = ثم يبدل بك عشير وينساك
عاشر قطاميٍ على السر مامون = درع القفا ماينهض الراس لعداك
اللي ليا أوحى فيك ناسٍ يقولون = حامي على عرضك ويدمح خطاياك
أنا رفيقي لو يجي دونه الدون = ماأنساه لو إني على حوض الأدراك
يستاهل البيضا والأخيار يوحون = ولا الردي خله يباري بيسراك
شِم للعلا وإترك هوا كل مزيون = لاتعتني بالغي يازبن من جاك
ترى الهوى ضرب المعادي بمسنون = ورد على التالي اليا قام ينخاك
وترى الهوى في يوم طاعن ومطعون = بيوم تغاب الشمس من كل الافلاك
هذا الهوى يعتز ربعه ضحى الكون = فعل به نعم إلى قيل يقراك
ياعبيد خذ مني من القول مازون = وأسلم ودم ماغرد الورق بالراك

هذا حسب مانقلت من كتاب الحمده ويوجد إختلاف بسيط في الأبيات من كتاب الى آخر ميوجد كلمة أعتقد إنها خطأ مطبعي في الكتاب وعدلتها حسب ماقريت في ديوان آخر وزي ماأنت شايف القصيده نصح لأبنه عبيد ويستفاد منها يرحمهم الله