قصيده للشاعر فيصل بن خلف احزنتني
خسف بدر الغرام ومات حلمي واندفن بيديك=نصيبي منك لوعات الحنين ووهج نيرانه
يهيج الشوق وتزيد المواجع لا طرى طاريك =عسى الله يسعد القلب الحزين ويبعد أشجانه
عفى الله عنك يا حيٍ جفيت الخلق لجل أرضيك =تنفستك غلا واسكنتك بقلبي وشريانه
كتبت الك القصايد وادري ان الشعر ما يوفيك =حقوقك لو جلبت من البحر دره ومرجانه
نزيه العرض مصيون الكرامه خالقك حاميك =عن دروب الخطايا والنفوس الحره مصانه
تحسب اني بعد طول المغيبه والجفاء ناسيك =جيوش الياس وسط القلب حالت دون سلوانه
شوي شوي..وتبين الخوافي والزمن ينبيك =عن اسرار الغرام وسيرة الولهان واحزانه
يا ليت الجرح يبرى والهموم تنوم عن مغليك =ياليت الصبر يشرى واشتري لو غليت اثمانه
وانا البارح بعد ما فاض صدري شوق رحت اشكيك = لبيت قد ربيتي في فناه وبين جدرانه
على اطلاله وقفت وفاح باركانه عبق ماضيك =حزين ونظرة عيوني على سوره وبيبانه
قبل ما اشكي شكى لي والعيون من الوله تبكيك =اثر بعض البيوت لشوفة الخلان ولهانه
حجر ويحن اجل وشلون يسلا عاشقٍ يرجيك=قضى عمره على رجوى وصال وشابت اعيانه
وانا يا بيت احبك من غلا حيٍ تربى فيك= وطت رجله ترابك وانبتت ورده وريحانه
وانا وان ضاق صدري من همومي جيت لك ناصيك =تفضفض لك عيونٍ من دموع الوجد غرقانه
على شارعك اوقف واحسب احسابي قبل لاجيك =اخاف من العذول وهرج عدواني وعدوانه
« آخـــر الـــمـــشـــاركــــات »
13-Feb-2011, 02:59 AM
الله يسامحك يا فيصل بن خلف
العرض الشجري