تكفي تراى تكفا تهز الرجاجيل

[فواز الشيباني]

اخي راعي المراجل الف شكر على مرورك الكريم


ابوطلا ل

[أبو فيصل]

السلام عليكم

القصيدة هذا نصها :

هذي طبوعي كل ما عسعس الليل=أصلّـح الدلـة وأجـر اللحونـي
بريةٍ موزونة البنّ والهيل=والماء بـوزن وحـيّ هـاك الوزونـي
منها تكيّفني ثلاثة فناجيل=وأرتاح ويطيـر السهـر مـن عيونـي
وأراجع الذكرى وأجرّ المواويـل=والذكريـات بكـلّ شكـلٍ ولونـي
البعض منها يشرح الصدر بالحيل=والبعض لا والله يجـدد طعونـي
وأرجع وأفكّر في الليال المقابيل=لعل وقتـي مـا يخيّـب ظنونـي
وأدخل على الله من حياة الغرابيل=حيث إن همّي ما تشيله متونـي
كنّك مفصّل فوقي الهمّ تفصيل=لين إلتبسني مثـل لبـس الجنونـي
حالي كما حال القلوب المشاغيل=اللي من أطرف شـيء يتأثّرونـي
لو يشتكون الغبن والجور والميل=للغيظ وسط صدورهـم يكتمونـي
فكّرت الا الموضوع يحتاج تحليل=وفنّ الدراسة واحدٍ مـن فنونـي
عرفت وش عكّر مزاج المشاكيل=يوم إنهم مـن وقتهـم يشتكونـي
أول سبب: نقالة القال والقيـل=الطغمـة اللـي جعلهـم يذهبونـي
قلوبهم بالحقد سودٍ مغاليـل=ومـن طبعهـم بالمشكلـة يفرحونـي
وثاني سبب: ناسٍ على مثل ما قيل=لا يقطعون الشّر ولا ينفعونـي
والله ما يرفع ضغطك إلا المهابيل=العالم اللي في النحـر ينشبونـي
وثالث سبب: ناسٍ سوات المخاييل=على سلوم الطّيب ما يحرصوني
خلّو سلوم أجدادهم رغو مع سيل=وفي عالم التقليد جو يركضونـي
طشّوا عمايمهم ولبسوا بناطيل=والموس فـال أشنابهـم والدقونـي
وأرقابهم ما سلمت من السلاسيل=تطبّعوا بطبـوع هيـم البطونـي
في ذمتي ماعـاد باقـي رياجيـل=إلا القليـل وجعلهـم يثبتونـي
صفّة بعد صفّة وجيلٍ بعد جيل=كلٍ من اللي قبلـه أنقـص وأدونـي
هذي هي الأسباب من دون تفصيل=شرحت روس أقلام بس أعذروني
واللي يبي تفصيل بالحيل بالحيل=يقـدر يكلمنـي علـى تيلفونـي

وهي للشاعر : وصل العطياني

وانا لاحظن إضافة البيت الأول( تكفى ترا تكفى تهز الريجيل ..... ولولا ظروف الوقت ماقلت تكفى ) لها في كم مناسبة مع أنه لايتناسب مع القصيدة لافي الوزن و لا القافية

وفي هذا الرابط ديوان الشاعر وصل العطياني و القصيدة الأصلية[/font][/size][/color]هنـــــا

يعطيك العافية يافواز

تحياتي

التوقيع

لا إله إلا أنت سبحانك إني كنت من الظالمين

[فواز الشيباني]

اخي فهد كلام صحيح لكن يمكن الي كتبها اخطاء في البيت وانا استعجلت في نقلها لنها اعجبتني اغلب بيوت القصيده الف تحيه لك على التوضيح

[جرح الزمان]

تكفى ترى تكفا تهـز الرجاجيـل ... لو ما ظروف الوقت ما قلت تكفـا
هذي طبوعي كل ما عسعس الليل ... أصلّـح الدلـة وأجـر اللحونـي



اخوي ابو طلال البيت الاول ليس على وزن القصيده

[ابو قلبً عطيب]

الأخوة الكرام

أول شي امسيكم بالخير وعساكم دائما بخير
تكفا ترى تكفا تهز الرجاجيل .....ولولا ظروف الوقت ماقلت تكفا
هذه القصيدة للشاعر / محمد الدحيمي وهو شاعر من قبيلة مطير وايضاً مشرف وكاتب في مجلة فواصل..فما الابيات التي كتبها الأخ ابو طلال التي تأتي بعد البيت الاول في كتابته للقصيدة فهي لاتمت باليت الاول بصلة هذه قصيدة وتلك قصيدة