(بشروني)والجائزه 10,000ريال

[سعيد ابوديه]

نسال الله العلي القدير ان يعود خادم الحرمين الشريفين الى بلاده وشعبه سالما معافى وان يديمه ذخرا لنا وعزا لبلادنا وسندا للاسلام والمسلمين .

وهذه القصيدة رسالة وفاء لملك القلوب من شعبة الوفي .

واطرحها هنا كمسابقة للمنشدين علما بان بحر هذه القصيدة له شفره خاصة واي منشد يستطيع انشاد هذه القصيدة سوف يكافاء بجائزة نقدية مقدارها (10.000) والمجال مفتوح للجميع.

بشروني ويش حال ابوي ابو متعب ملكنا الغالي= جعل تفداه العمار وكل ما نملك عساه فدى له
يابو متعب ياسنام المجد يارجم شموخه عالي= شعبك الوافي يقول الله لا يحرمنا ذراه وظله
في غيابك غابت الفرجه وليل الي تحرا طالي=والحزن في غيبتك خيم على الشعب السعودي كله
كل شي صار طعمه مر بغيابك لوانه حالي=وفي غيابك مانبي حتى مجالسنا وكيف الدله
عايشين نكد واحزان وهمومٍ وضيقة بالي=غيبتك حمل على شعبك ثقيلٍ ما استطاع يشله
اه ياعبرة فراق دمعها مثل المطر همالي=والله ان فرقاك هم الشعب وان شوفتك تبري العله
نبتهل لله في الثلث الاخير ونرتجي المتعالي= نحمد الله والثناء له والشكر له والسجود ارضا له
ندعي الله يحفظك ياسيدي في الحل والترحالي=كل شعبك رددوها يالله احفظ عزنا واسندنا عبدالله
المليك العادل اللي حكمته تضربها الامثالي= مثل نجم الجدي في عرض السماء واللي يتيه يدله
في سبيل اسعاد شعبه والله انه ما ذخر مثقالي=من وفاه وحبه لشعبه بمدات الوفاء مرهله
والله انه للمواطن والوطن درع وذرا وظلالي=ومن غلاه وحشمته نبض الخوافق سيدي محتله
في شموخه للوطن هيبه وقوله تثبته الافعالي=سيدي كل المزايا والصفات الطيبه تنسب له
سطر التاريخ الاول مجد ابو متعب ومجد تالي=يوم طمن في نهار العيد شعبه حي ذيك طله
قال انا في خير دام الشعب عايش باحسن الاحوالي=لله دره من مليك يستحق نقدر ونجله
بشروني ويش حال ابوي ابو متعب ملكنا الغالي= جعل تفداه العمار وكل ما نملك عساه فدى له

[فايز بن سرحان الثبيتي]

ارحب يابو ديه عز الله انك شاعر جزل ووجودك بيننا اضافه جميله


عايشين نكـد واحـزان وهمـومٍ وضيقـة بالـي
غيبتك حمل على شعبك ثقيلٍ ما استطـاع يشلـه

ندعي الله يحفظك ياسيدي في الحـل والترحالـي
كل شعبك رددوها يالله احفظ عزنا واسندنا عبدالله

لكن ويش رايك في الابيات الموضحه هل فيها خطأ مطبعي اخل بالوزن ولا لا ؟




اما هذه فابيات اعجبتني في سبكها وفي تصويرها والقصيده كلها رااائعه

نبتهل لله في الثلث الاخيـر ونرتجـي المتعالـي
نحمد الله والثناء له والشكر له والسجود ارضا له
المليك العادل اللـي حكمتـه تضربهـا الامثالـي
مثل نجم الجدي في عرض السماء واللي يتيه يدله
والله انه للمواطـن والوطـن درع وذرا وظلالـي
ومن غلاه وحشمته نبض الخوافق سيدي محتلـه
بشروني ويش حال ابوي ابو متعب ملكنا الغالـي
جعل تفداه العمار وكل ما نملك عسـاه فـدى لـه


ابو ديه لله درك "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[مرزوق حمدان العتيبي]

..

.

لله درك ياسعيد ابداع ويستاهل ابو متعب
الله يرده لنا سالماً معافى

والشيله للقصيده جاهزه بس ولم الشيكــ ؛)

عايشين نكـد واحـزان وهمـومٍ وضيقـة بالـي

اتوقع فيه خطأ مطبعي فالتشكيل

وهي اعتقد هكذا
عايشين نكد وأحزان وهموم وضيقة ٍ فالبا لي

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ماجد العصيمي]

ولم الشيك يابوديه ههههه



صح لسانك ولاهنت على الجزله

[علي الثبيتي]

سيدي كل المزايا والصفات الطيبـه تنسـب لـه

الشاعر القدير سعيد ابو ديه صح لساااااانك

القصيدة لحنها جاهز ولكن الشطر اعلاه غير موزون

التوقيع

ماني بلا روقي ولا برقاوي = انا ثبيتي جد روق وبرقا

[مرزوق سيف غافل بن دبشي]

صح لسانك جعل ربي يرده سالم ابو متعب

[فهد رشيد الزلامي]

صـــــ لــســانـك ــــــــــح يابو ديه قصيده معبره وفي من يستحقها

تعليقا على كلام الإخوان ابن سرحان ومرزوق:

أوافقهم الراي وخصوصا في شطر البت القائل

عايشين نكـد واحـزان وهمـومٍ وضيقـة بالـي

وأقترح ان يكون كالتالي ولك الحكم :

عايشين بغم وأحزان ونكد مع ضيقة فالبالي


وكذلك الشطر التالي :

كل شعبك رددوها يالله احفظ عزنا واسندنا عبدالله

وأقترح ايضا والحكم لك :

كل شعبك رددوها يالله احفظ عزنا عبدالله

تحياتي لشخصك الكريم ومره ثانيه اقول لك
صـــــ لــســانـك ــــــــــح

[سعيد ابوديه]

بشروني ويش حال ابوي ابو متعب ملكنا الغالي= جعل تفداه العمار وكل ما نملك عساه فدى له
يابو متعب ياسنام المجد يارجم شموخه عالي= شعبك الوافي يقول الله لا يحرمنا ذراه وظله
في غيابك غابت الفرجه وليل الي تحرا طالي=والحزن في غيبتك خيم على الشعب السعودي كله
كل شي صار طعمه مر بغيابك لوانه حالي=وفي غيابك مانبي حتى مجالسنا وكيف الدله
عايشين في نكد واحزان وهمومٍ وضيقة بالي=غيبتك حمل على شعبك ثقيلٍ ما استطاع يشله
اه ياعبرة فراق دمعها مثل المطر همالي=والله ان فرقاك هم الشعب وان شوفتك تبري العله
نبتهل لله في الثلث الاخير ونرتجي المتعالي= نحمد الله والثناء له والشكر له والسجود ارضا له
ندعي الله يحفظك ياسيدي في الحل والترحالي=كل شعبك رددوها يالله احفظ عزنا واسندنا عبدالله
المليك العادل اللي حكمته تضربها الامثالي= مثل نجم الجدي في عرض السماء واللي يتيه يدله
في سبيل اسعاد شعبه والله انه ما ذخر مثقالي=من وفاه وحبه لشعبه بمدات الوفاء مرهله
والله انه للمواطن والوطن درع وذرا وظلالي=ومن غلاه وحشمته نبض الخوافق سيدي محتله
في شموخه للوطن هيبه وقوله تثبته الافعالي=سيدي فيه المزايا الطيبه طبع ووفاء وجبله
سطر التاريخ الاول مجد ابو متعب ومجد تالي=يوم طمن في نهار العيد شعبه حي ذيك طله
قال انا في خير دام الشعب عايش باحسن الاحوالي=لله دره من مليك يستحق نقدر ونمجده ونجله
بشروني ويش حال ابوي ابو متعب ملكنا الغالي= جعل تفداه العمار وكل ما نملك عساه فدى له

شكر للجميع وفعلا كان فيه غبلطات كثيره

والاقصيده هي كذا بعد تعديل الاخطاء