الى مدينة الورد

[علي الثبيتي]

المشاركة الأصلية كتبت بواسطة فارس ثبيت ..

صح لسااااانك يافارس

ابدا بذكر اللى خلقنا وبعدين =. الشعر دق الباب واشعل زنادة
طبعه كذا لو عذبته الشرايين =. يفيض من صدري ويشلع غمادة
قسمه من الوالد بعد وافق البين= . وعز الله اني لحتمي له شدادة
قم يانديبي فوق تسعه وسبعين =. جمس حمر كسابته من مزادة
مافيه دبه وحده فيه ثنتين =.. ولا طقه الشاكوش بودي بلاده
فلل من البنزين خمسه وتسعين =. والصبح باقي ما نزل في مهادة
واذا وصلت الديره ام البساتين= . مصيف لحكام العرب والقيادة
سلم على الطايف ديار الكريمين =. سلام ما قلبي غزيرن مدادة
اعيش فالطايف من اول وذلحين =.. واغيب عنه ويهتويني براده
وجيه يدفعني غلا فالشرايين =. يزيد في قلبي بليا ارادة
فيها الهوى زاد الهوي في المحبين= . نبيه ينقص والهوى في زيادة
والورد طوقها جبال وميادين =. ما كنه الا في نحرها قلادة
على محبتها الخليج متواصين =.. هذا كلامن ما يبيله شهادة
ناس تقبله وناس مقفين =.. كلن يبي تحقيق غاية مرادة
واللي يبي المصياف من يم برلين =. ولا ورى قرطاج يطلق هداده
قله يعوذ من رجيم الشياطين =.. ماله ومال المشوره والكدادة
كم واحدن فيها يخوض الميادين =. ومخه معود مثل مخ الجرادة

التوقيع

ماني بلا روقي ولا برقاوي = انا ثبيتي جد روق وبرقا