القريب يتقدم ومجرد هاوي شعر

[ركيان مسعدالمغيبي]

يومك حريص وعجل وش دخلك فالزحام=ارفق على نفسك ارفق لاتحمالها
ساعد خذيته بنيه صافيه فالكلام=واثره يعوج السوالف كل ماقالها

[ساعد الجدعاني]

الحرص واجب ترا وانت رفيع المقام=احرص علي دلاتك واحرص لفنجالها
ساعد يسوقك ترا والصقر ما هو حمام=واثر المعاني براسك شوش ارسالها

[ركيان مسعدالمغيبي]

ترى الرديه تغادر سوقنا ماتسام =ماليبها وانت برضه مالك ومالها
ديرة ربوعك زبيد الشام ماهي بشام=لاتتجه لشمال اتضيع بعبالها

[ساعد الجدعاني]

الاوله جاتنا منك عليها تلام=حنا نجازي رجال القوم بـ اعمالها
حنا قبيله كبيره لا تزيد الكلام=رجال وقت المواقف تعرف افعالها

[ركيان مسعدالمغيبي]

ماجاك غير الوفا والطيب والاهتمام=والمقبلات اقبلت يمك تهيالها
ماقلت فيكم ردى يامعربين العمام=مير العرب في بعضها وش يورالها

[ساعد الجدعاني]

لك الله يا ابن العرب منت بــ لابس وسام=وان كان عقدتها موجود حلالها
نقدر نحج ونطوف لبيت الله الحرام=لكن بعض العرب تصريح يبغا لها

[ركيان مسعدالمغيبي]

تراك ضيعتها بين الركن والمقام=دورعليها تراك ابطيت تبرالها
تدري سبب دوختك من قوة الارتطام=راسك تقول حدجه وتصامخ جبالها

[ساعد الجدعاني]

وشلون ضيعتها وانا محزم حزام=وانتم جمال(ن) ترا معروف جمالها
مالك ترا يا العتيبي غير حد السهام=يا شين وجبتك فال الله ولا فالها

[ركيان مسعدالمغيبي]

دامك ماتحسن صلاتك صل خلف الامام=وامام حرب ان توضت حرب يقرالها
الديس في فمك وانت اثرك بسن الفطام=ياليت حرب العزيزه تفطم اطفالها

[ساعد الجدعاني]

المشاركة الأصلية كتبت بواسطة ركيان مسعدالمغيبي

دامك ماتحسن صلاتك صل خلف الامام=وامام حرب ان توضت حرب يقرالها
الديس في فمك وانت اثرك بسن الفطام=ياليت حرب العزيزه تفطم اطفالها

هههههههههههههههههههههههههه


سلمت وسلمت اناملك قسم بالله اني طالب خارج المملكه وهوايه الشعر عندي واحب التحاور


وجريتك بالرغم اني ما قد لعبت الا مع صاحب لي عزيزي بقدي



استفدت منك وبيض الله وجهك وما قصرت

وهذا ايميلي


sad7@live.at