قوات الامن الخاصه تضرب نواب مجلس الامه الكويتي في ندوة الحربش

[ابو محمد الدعجاني]

المشاركة الأصلية كتبت بواسطة ابو نادر

ابن مفلح لا جدال معك ياولد العم

لكن


ممنوع الروابط للمنتديات
الادارة

يابن عاصم يابن العم فيصل المسلم ماهو فوق النقد ولا هو فوق المحاسبه لاهو ولا اي عضو مادام انهم خاضوا انتخابات وانهم يمثلون الشعب نقول لهم انتم غلطانين ان غلطوا وان استقاموا نشكرهم .


ماهم حكام ولا هم انبياء .


عضو مشرع يعني العضو معناه انه شريك بالحكم عنده سلطه كبيره فوق ماتتصور يعني لو عشرين عضو يوقعون على وثيقه مقابله لسمو امير البلاد يقابلونه ويحتكمون عنده .


وعندهم سلطة الاستجواب وش اكبر من رئيس وزراء يحطونه على منصة الاستجواب ويحاسبونه ان كانه مخطي ويشلعونه من منصبه .


وابك لو الحكومه تبي تحط وزير ويعارض عليه عشرين نائب ماتقدر توزره الحكومه .


هذا معنى ان العضو شريك بالحكم .


كل هذي الامور البسيطه اللي ذكرتها من صلاحيات العضو هملوها نزلوا من سلطتهم وراحوا يهيجون مشاعر المواطنين ويظحكون عليهم بهتافات وشعارات .

البلد مخطوف

والحريه والديمقراطيه لها ثمن

ولازم نكسر خشم فلان حنا نسوي اللي نبيه

وبسوون انقلاب على الدستور

وانتم يا اهل المناطق الخارجيه مايرونكم شي

بالله كل هالكلام اذا سمعته من رجل له سلطه وش بتسوي ؟؟؟؟

شعورك بيصير ان بلدك تحاربك وتهينك اذا الواحد فقد الامان والانتماء للوطن وين يعيش ؟؟؟؟؟؟




لكن هذولا الاعضاء فيهم عقده وحده


يبون يظهرون في دور المناظلين والقياديين والابطال ومسوين زحمه والشارع فاضي .



ولقوا الناس اللي مع الخيل ياشقرا وماخافوا عليهم من بطش القوات الخاصه .




من متى الاسلام يامر الظهور على الحاكم .

من متى الاسلام يامر التحريض على اهل الامر .




خلاص تدرون ان الحكومه فاشله وتبي تهينكم وتدور عليكم الزله ومهوب وقته تاجيج الشارع ليه تعاندون على شان حصانه بتنسحب وقرار مهوب دستوري خليتوا الناس تنطق ؟؟؟؟


بامكانكم تسوون اجتماع بالمجلس وتخاطبون الامير اذا الحكومه مهيب متعاونه معكم وتحلون الاشكال لازم الناس تنطق وتنهان وتنجر للمباحث .




ابونادر ان كان اللي قدامك يتعارض مع رايك لا تتهمه بانه ضد فلان ولا فلان وانه حاقد على شخص بعينه وتستخدم اسلوب اللي ماهو معي ضدي .


النقاش مفتوح لكل الاراء .



وان كان مشاركتي تزعجك انا قلت اللي ابي اقوله ولا عاد اني مشارك باي موضوع تطرحه بهذا المنتدى .


سلام يابن العم