السلام عليكم ورحمة الله وبركاته
قصيده في سمو سيدي الامير متعب بن عبدالله بن عبدالعزيز ال سعود (رئيس الحرس الوطني و عضو مجلس الوزراء ووزير الدوله) والله يحفظه وويوفقه في عمله وفي دنياه وابو عبدالله لو نكتب فيه معلقات ماراح توفي حقه علينا
ياللي بيدك الغيب ياعالي الشان = أطلبك من مدات جودك كرامه
أنت الذي تفتح من الخير بيبان = والكون كله في يدينك زمامه
وانت الذي حطيت للعدل ميزان = في دولة تطنخ بعدل وزعامه
دوله لها في هامة المجد بنيان = ساسه جويد ومنبع الاستقامه
أل السعود إن ثار عجه ودخان = تطحن رحاهم مثل يوم الرغامه
حكمٍ زهاه الدين في كل الاركان = والجهل قفى من بلدنا عسامه
واليوم في حكمٍ لطم كل طغيان = في حكم أبو متعب سليل الشهامه
الحاكم العادل على كل الاوطان = حكمه على بيداء الجزيره غمامه
حرٍ له البيضاء على راس ما بان = تنشر لأبو متعب من أول فطامه
الله يحفظ القايد الوالد الحان = والله يجيبه للوطن بالسلامه
تضماء له الانفس وتشتاق الاعيان = وفقلوب شعبه يرتفع به مقامه
من بعدها سلام حشمه وعرفان = يا سيدي متعب محل الفخامه
يالوافي الساطي لك أفضال وإحسان = وتستاهل المنصب بكامل تمامه
مناصبك تلبس من المجد تيجان = والمجد تملك في يدينك خطامه
في نظرتك حكمه وللخير عنوان = الخير مع متعب غلاه وغرامه
وفي قلبك من الجود للناس شريان = من جاك ما دارات عليه الندامه
ولك مدةٍ يروى بها كل عطشان = كفك على المدات معلن هيامه
مواقفك يشهد بها كل ميدان = تقلط على الموت الحمر بأبتسامه
وأنا وقفت وصغت بالشعر قيفان = يا سيدي للحب فيها علامه
مشاعرٍ من شاعرٍ موعده حان = إنه يعبّر بالولاء في كلامه
سطام أبن سلطان وإن كان ماكان = دون الوطن روحه وساطي حسامه
جندي بثامن فوج يرأسه سلطان = سلطان أبن ماجد بعيدٍ مرامه
نيابةٍ عنه ونيابه على شان = نايف ولد ضاوي وكيله حزامه
جينا نهني ياسلايل كحيلان = لك في مقام العز هامه وهامه
تزها بك الامداح والقاف طربان = وصيتك مخلد لين يوم القيامه
سطام بن سلطان بن ماجد بن فهيد
« آخـــر الـــمـــشـــاركــــات »
07-Dec-2010, 09:09 PM
قصيدة مهداه لرئيس الحرس الوطني الامير متعب بن عبدالله بن عبدالعزيز
العرض العادي
