مطني الحافي
سلام الله سلامَ نبتدي به في اول المحراف=على سنه رسول الله والاسلام نبديها
ابا احزَمك بالبندق وابا احددلك الاهداف=وترا الشهره على اللي يرمي الشاره ويخطيها
معجب العتيبي
هلا يامرحبا ترحيبةٍ وحروفها تنشاف=على الشاشات تنقل بين كاتبها وقاريها
والا يامطني المذكور الا ياطيّب الاوصاف=ياليت اللي كتب يقرا حروفه يوم يبنيها
مطني الحافي
عليك خلاف ولا يالعتيبي ماعليك خلاف= علشان الذيابه لاسرت تسري مساريها
الا يالشاعر العراف كم غيرك هنا عراف=انا ماعاد اعرف الناس جاهلها وصاحيها
معجب العتيبي
ليامنك نويت الدرب قدمك لاتروح خلاف=على الهيبات نفسك ياعميلي لاتضريها
تنشّد في وزاراة الحكومه وانشد الاوقاف=تراها سلعةٍ مابين بايعها وشاريها
مطني الحافي
مطني طال عمرك في الشدايد يحتمي الميقاف=ومعجب لا احتمى الميقاف مدري كيف يحميها
وزارة الحكومه جعلها لسيف والسيَاف=على قول المثل, لقيت حاميها حراميها
معجب العتيبي
مطني والنعم ماقلت ابه شيٍ خطا ينعاف=لكنّ حقوق غيرك ليش يارجال تلغيها
وش الاسباب ياراع السوالف لاتجي خواف=مدام انك تسولف معك حجه قوم عطنيها
مطني الحافي
حقوقك واصله لكن صبرك لين ننهي القاف=من الميسم تجيك حقوقك اللي كنت تبغيها
ان مابغاك يامعجب تهاجمني مع الاطراف=ولن هاجتمني والله لذكيك ولذكيها
معجب العتيبي
والا يا اصحابنا شوفو حبيب الشعب جنبه صاف=واضن مطني اليا كثروا اصحابه يخاويها
انا ما اهضمك حقك ياعميل الخير بالاجحاف=لكّن انما عقلت الليله الميسم بيكويها
« آخـــر الـــمـــشـــاركــــات »
16-Nov-2010, 02:48 PM
العرض العادي
