خالد العصيمي
سلام ردية علـى سلـم الرجـال الطيبيـن=ياحضرة العتبان صلو لي على وجه النبـي
ياسعود ابو طايل لك الله دوك أخذ لك كلمتين=كلمة وبن وهيل والشيطان ياسعـود يهبـي
سعود العصيمي
يامرحبا ترحيبة ٍ عن سلم ذربين اليميـن=ماتحتدي والله يبارك فيك جيتك وش تبي؟
هات العلوم اللي معك دام النشامى حاضرين=ان كان عندك علم حاصل ماحصل مايغتبي.
خالد العصيمي
دام البقى يالي ترحب ياعساكـم دايميـن=والعلم صبر وتسمعه وأنا لساني يعربـي
ياسعود ريح وأعرف أنا للمواقف جاهزين=العود لاشيب يسـده فاللوازيـم الصبـي
سعود العصيمي
مادام ماشفتك تضد القوم بالسيـف السنيـن=وشلون ابا اطيعك بعلمك من يسد بواجبـي!!
لكن روح وعلّم اللي يذبح الكبـش السميـن=يلبس حزامه ثم يمس اشنبه في جنب اشنبي!!
خالد العصيمي
ياسعود أنا جدي حضر فالقادسيه مع حنيـن=واليوم أنا عنها يابو طايل ماصد ولا ختبـي
الحر الاشقر ذاخرينه يالعصيمـي ذاخريـن=فالوقت الاسود نشهره وأحكم على الحر الابي
سعود العصيمي
جدك ونعم الرجل مايلحقه شـك ولا ظنيـن=وانته بوقت غير وقته يارفيـع المنسبـي؟
هذاه وقت الحر كان الحر اله قلـب ٍ فطيـن=عان البروق اتلوح فوقه والهبوب مهبهبي!!
خالد العصيمي
الحرب يبغى له ولد والشرع يبغى له يميـن=حنا لهـا وتسجـل الايـام فخـر و تكتبـي
عينت يوم اني شهرته يم قريه مـن يميـن=راحوا هل الردات من فعله تقل عفش اصلبي
سعود العصيمي
باقي عليك من الميه سبعين عنها رحت وين=سديت منها ثلث والثلثين الاخرى تطلبـي!!
وانا ماقول الاكفو مستقبلـك طيـب وزيـن=واصل ومن واصل وصل ونرفعك فالمنصبي؟
خالد العصيمي
أعرفك لك قلب قوي وأعرفك لك جنب متين=صفيت معهم مشربك وأنا بصفي مشربـي
أنته عليك تسلح ابناخيك سيـف ومارتيـن=وأنا علي اطشهم شعر ضبي شعـر ضبـي
سعود العصيمي
الفعل اله فاعل ومن يفعل فعل فعله يبين = تقراه عراف الرجال وتشهد اله وتكتبي!!
ياصاحبي ماضايع ٍ لك عند قوم الطيب دين = المجتهد ينجح ويلقى مطلبه مايرسبي!!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
14-Nov-2010, 05:02 AM
العرض المتطور
