::الزين واختبار النحو::

[وصل الشهيب]

المشاركة الأصلية كتبت بواسطة عناد الشيباني

إليكم هذه القصيده التي اتمنا ان ترضي ذائقتكم

يالله جاز الزين صاف الرهافي =طالبك ياللي دايم" للدوامي
اللي معي ماصار بالعهد وافي =خلا عيوني ماتذوق المنامي
ابو جديل" فوق الأمتان ضافي =أنا أشهدان فعله بمثلي حرامي
هجره غلط وقته وانا له سنافي =قبل أختباري فالنحو بالتمامي
قفا وخلا النور فالكون طافي =عايش وكني عايش" في ظلامي
ان جيت اذاكر قمت ارد القوافي =وضيعت فعل الفاعل من الأسامي
ومن الشعر مليت كل الغلافي =أكتب على كتابي جروح الغلامي
وأسج رجلي في جميع الفيافي =رايح وجاي وطعم فرقاك حامي
اتعبتني يازين واتعبت قافي =وضيعت حلم العمر غاية مرامي
لكن ياراع اليدين الصخافي =أنت السبايب كان أنا عت عامي
هجرتني ياشوق دون أختلافي =وهجر" بلا سبه ممات" قوامي
عطني سبب واحد واحط أعترافي =وأعذرك واسامحك قدم الأنامي
لكن انا وافي ولاني بهافي =لني كريم ومن رجال" كرامي
ماانزل بتال الوقت مثل الضعافي =بين العرب دايم رفيع" مقامي
ولاني سوات اللي هروجه خفافي =هرجي جزيل ونظرتي للأمامي
وعندي على بدع البيوت أحترافي =إن رحت يام الدار وإن رحت شامي
ولا أخضع لغير اللي يعلم الخوافي =اللي له الطاعات واله الصيامي
ودايم طموحي قدم ماانظر خلافي =مير استمع فالهرج قبل الختامي
إنكان ماعودت ياسيد قافي =خلاص راح عناد مابه كلامي

الشاعر:عناد الشيباني

شاعرنا الشاب

عناد الشيباني

صح لسانك

وانتبه لاتعيد عام دراسي بأسبابها

ماينفع الرجال إلا دراسته وحرصه على مستقبله

قل لها

إن جيت ياورد سمرنا عليك .وإن رحت ياورد مابكينا عليك

أحيَي فيك وضوحك وصراحتك في هذا البوح العذب

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي