ابن سرحان الثبيتي
شد حيلك يالسماري ترى الطرقه بعيد = تتعب ركاب الهواجيس ماتاصلها
بعد بكره تبدي الشمس ويذوب الجليد = والبلا فالشجره اللي تدور ظلها
ماجد السميري
استعنت بواحدٍ يعلم اسرار العبيد=لين نعرف وش دقاق العلوم وجلها
لاتعلّم واحدٍ ياولد باسه شديد=مر ربعك في طريق السويل وقلها
ابن سرحان الثبيتي
خلها تبقى طليقه على خضر الجريد = كان تبغى شوري احسن لنا واحسن لها !!
الثياب طوال والحال ينقص مايزيد = والسبب عمتك هذي وهذا دلها
ماجد السميري
لا تحسب ان الجمل يالثبيتي فيه قيد=طلقٍ عقاله وثقل الحمول يشلها
بعد عمّرنا المباني على الساس الجويد=الهنوف اليوم تبغى السميري خلها
ابن سرحان الثبيتي
الله انه يرحم تراب هارون الرشيد = يوم بنت الااااش عنده تعشي بلها !!
سابقات الصوت جابت لنا العلم الاكيد = وانت لو تسمع صداها تبا تفطنلها
ماجد السميري
وش تحرّا يازماني من الجيل الجديد=يالثبيتي مل عين التوجد ملها
ما يغر العلم ياكود ابو قلبٍ بليد=والسميري كل صعبه يجيك بحلها
ابن سرحان الثبيتي
ماحسبن ام الكباير علاك اتحط عيد = لين قامت تاكل اعيالها واتفلها !!
ودي انك يالسماري تفيد وتستفيد = مير هذي حيلة اخوان بدوا كلها .. !!
ماجد السميري
ارضعتك ام الكباير وغذّتك العصيد=وانتفخت وصرت جزل العلوم تزلها
السميري يحكم القول والرأي السديد=من فعوله شوف كبدك تزايد غلها
« آخـــر الـــمـــشـــاركــــات »
09-Nov-2010, 04:01 AM
العرض الشجري