عاجل مطلوب شاعر محاوره

[فارس المورقي]

مايفيد السلاح ولا تفيد الذخيره = دون باب الحرم قواته الداخلية
العرب تطٌحن مثل الرحا المستديره = ماسمع صوتها الي مرقده تحت فيٌه

[فارس المورقي]

المشاركة الأصلية كتبت بواسطة خالدالبلوي"الكثير"

تحيه لجميع الحاضرين وتحيه خاصه للشاعر فارس والله يجيب لي احد يمسك صفتي

الله يحيك اسفرت وانورت واستهلت وامطرت بك والحاضرين

[خالدالبلوي"الكثير"]

الليالي طويله والفلك مستديره=والله اكبر على من خان حق الرعيه
والمنافق جزاه الموت في كل ديره=يقلبون الحقايق كل صبح وعشيه

[فارس المورقي]

كل واحد يحصل في النهاية مصيره = وراعي الحق حقه عند رب البرية
لو يبيع الذهب ماجاب قيمة بعيره = مابقى ألا يطيح شدادها والمطيه

[خالدالبلوي"الكثير"]

مانجيب العلوم من القناه المثيره=واضح العلم ياراع الذلول العصيه
لكن الله يستر من يحب الستيره=والشقا من نصيب العالم الشقاويه

[فارس المورقي]

كل شيء ٍ تكًشف فالليال الاخيره = هكذا الي يريده مخرج المسرحية
اطحنوا فالشعير ان كان مافيه بيره = دام مافيه حيله في يديك ويدية

هههههه

صح لسانك وبيض الله وجهك

الليل سرى والنوم سلطان والمعذره على القصور

واصبح على خير

[خالدالبلوي"الكثير"]

بيض الله وجهك وتلقى خير وشرفني اللعب معك

[أخو جوزا]

صحت السنتكم

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[فارس المورقي]

اخو جوزا صح بدنك لاهنت ولا شنت

[فهد الشيباني]

الله الله


صحت الالسن والقلوووب