شفت العرب لو من ورا سور الحدود

[ابراهيم الجـــــذع]

أثرك شريطي تعترف منت ابجحود اتقولها ما كن في وجهك حيات=مشبهن نفسك ويا نعم الشبيه الله وأكبر يا شياطين اسلمي
أنته من أهل الطيب منته بمعدود لكن خلك غارقٍ بأحلى سبات=من يمكم رد السوالف ما احتريه الله وأكبر يا شياطين اسلمي

التوقيع

الذم ما يهفي للأجواد ميزان=والمدح ما طول قصار الأيادي

[ابو فايح]

صحت السنتكم


متابع من بعيد



ابراهيم أعتقد عين هنا وعين هناك وأعتقد أنه طول اللفه كان دور عميله من بدري




الشبل على اسمه شبل هجومي وتصويباته مثل عبدالله الجمعان



هذا والله أعلم

التوقيع

عالم تويتر abofayeh@

[فهد الزهراني]

تسلم ياابراهيم

ابشرك صرنا نفهم معاني

والظاهر بعد الظاروق هذا بصير شاعر بعد ههههههههه
تسلمون جميع

آخر تعديل فهد الزهراني يوم 03-Nov-2010 في 03:31 AM.

[ماجد العصيمي]

ضيعت دربك وانت مبرم للعقود . . مار الذهيبه ردها عند الخوات=وانا مالي شين غدا لاجل اقتفيه . . الله اكبر ياشياطين اسلمي
انته من اهل الطيب مطرود وشرود . . واحد ليا ثبتك جاك آخر وشات=ماني بشامت وادعي الله يهديه . . الله اكبر ياشياطين اسلمي

[ابراهيم الجـــــذع]

تبا ترفرف يا العلم فوق العمود يوم الزمن جاله عيال امع البنات=اليا بغيت اجنيه نصرف لك جنيه الله وأكبر يا شياطين أسلمي
ودك تناطح لك جمل وأنته قعود مدلع السانك تحسب أنه لهات=أن حطكم بين اربعه لا ترتجيه الله وأكبر يا شياطين أسلمي

[ابراهيم الجـــــذع]

صح بدنك يا أبو فايح

حول الدعوى لكن ما جت على الخاطر

شرفني مرورك

[ابراهيم الجـــــذع]

هلا والله أخوي فهد

أن صرت شاعر بتغطي على شعار واجد

أولهم أنا

شرفنا مرورك ومتابعتك يا الغالي

[ابراهيم الجـــــذع]

صح السانك يا ماجد

الختام عندك

[ماجد العصيمي]

باحو بسدك وانت من ضمن الزيود . . اللي ضحاهم والمسا تخزين قات=والصقر يمكنك تعود تشتويه . . الله اكبر ياشياطين اسلمي
لا ياجمل كسر عراقيبك سعود . . ومسعد مركب له قدر فوق الحصات=وسعيد ماندري وش اللي منتويه . . الله اكبر ياشياطين اسلمي

[ماجد العصيمي]

صح بدنك يالجذع


الى جميع من مر من هنا


صحت ابدانكم والله لايهينكم على تشريفكم