لو كان غايب صورته في خيالي

[وصل الشهيب]

لي صاحب(ن) لاغاب ياناس ماغاب=لوكان غايب صورته في خيالي
صورةخياله وسط موقي والاهداب=ومن زالها بالقلب بالحيل عالي
خلاني ابعده مولي ومنصاب=والمر ذقته بعد ماكان حالي
أسأل خفوقي وين هو سيد الاحباب=والدمعه القشرى تجاوب سؤالي
ماغير أدووج واعتلي كل مرقاب=وانسى وأضيع غترتي مع عقالي
أقول هذا الحب ماعنه مجناب=جرحه عميق ومخطر(ن) بالقتالي
أنا عرفته حب له عدة أسباب=افراق وخيانه وحازن وسالي
الراس أشوفه شاب والقلب ماتاب=وازريت انا أنسالي زمانن مضالي
أذكر كتاب (ن) ماحصل مثله اكتاب=وسوالف (ن) مابين غالي وغالي
وأثر الليالي جايره والزمن صاب=الله لاتجزى خبيث الليالي
اللي تفررق بين صاحب والاصحاب=تعرف من الحاضر وباول وتالي
خلتني اقعد بين الاضراس والناب=وان جيت أسلي خاطري ماطرالي
وياوجد حالي وجد من قارصه داب=على وليف(ن) ساكن(ن) وسط بالي
أود شوفه فالسنه مره يجاب=يرتاح بالي لا نظرته اقبالي
أظن جرح القلب لاشافها طاب=وينسى الهموم اللي معي كالضلالي
وبالله ياراع النمايم والاكذاب=أخذ كلام(ن) قايله مايقالي
أنا جنوبي(ن) على رد الاطياب=ولا على رد الخطايا شمالي

الأخ الشاعر

ضاوي الشيباني

صح لسانك

لعنبو من لامك ياضاوي

ذكرتني أغنية فنان العرب أبو نوره

محمد عبده

الله يكون بعون كل العاشقين

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي