خلف المطيري
الطبيعه ماتغير فالمناصب والاسامي = لو تشيل اجبال مكه ماتغير فالطبيعه
الحرامي ياولد سلطان مايسرق حرامي =لاتطيع ابليس الاعور طيع شوري لاتطيعه
معجب العتيبي
مرحبابك ياخلف لو كان ماتبغى السلامي=الوفا والطيب طبعٍ من خلقنا مانبيعه
كانهي لك ثابته ماهيب الي طبع ونظامي=ياعميل الخير طعني لاتضيف ابك الوسيعه
خلف المطيري
انت وش قصتك قلي تبترم خلفي وامامي = كان ودّك فالمواصل توب عن درب الخديعه
ماتزرا في مقامك وانت لاتجحد مقامي = ماتضيق الارض فيه لو معك بكر وربيعه
معجب العتيبي
من يشوفك ياخلف قال الولد هذا عصامي=يحسب ان افعولك مع الناس يالطيب فضيعه
ياخلف لا لاتحلوا منت يالمخلوق شامي=الصفات الظاهره ياصاحبي جدا فضيعه
خلف المطيري
الحروف الهامشيه ماتنسيني مرامي = ماعكست الاتجاه الا تبا فرقا الهزيعه
يوم جيت الفيصليه ردني 100 تهامي = مايبون افتن بنات الناس واتحل القطيعه
معجب العتيبي
ياخلف لامن نشدتك لاتقول انا علامي=والله انا مانبالك غير شيٍ تستطيعه
لاتطول فالجدال ولاتحوّر في كلامي=وان بدا المقصود حذرا لاتضيق ابك الوسيعه
« آخـــر الـــمـــشـــاركــــات »
26-Oct-2010, 11:46 PM
العرض المتطور
