الليل لايسري حياكم الله "

[احمد حامد الزايدي]

ركيان مسعدالعتيبي


ايوالله اني ناسي كنت ابا قول (في كل عام وكل يوم ) لاكني عكستها

[احمد حامد الزايدي]

احمد رقا مع من رقا وصل الكواكب والنجوم=ماهمته سود الليالي ما حسب لتعابها
عمت البحور المظلمه واصلي الا ربي واصوم=والبيت طفته وستعيت وقبلتي محرابها

آخر تعديل احمد حامد الزايدي يوم 26-Oct-2010 في 01:25 AM.

[ركيان مسعدالمغيبي]

ترعد وتبرق فالسما من غير رش ولا غيوم=عيت تحرك لين جاها الريح ثم قفابها
اثرك ماشاالله عليك شوي وتقول معصوم=يامطوع الطايف صلاتك صاحبك صلابها

[احمد حامد الزايدي]

ترعد وتبرق والمطر والسيل مع كل الحزوم= واخاف تغرق فالسيول اللي تبا تبلابها
ماحدٍ ترى معصوم وابعد لا تحصل لك سهوم=ترى الدواير دايره والنار من شبابها

[ركيان مسعدالمغيبي]

تبغا تحاكمنا ماتدر انك محاصر ومحكوم=في داير ه صغرى ومغلقتن عليك ابوابها
المشكله كيف نتعذر عند عراف الوسوم=يبا يقول الناس هاذي ماتعز اقرابها

آخر تعديل ركيان مسعدالمغيبي يوم 26-Oct-2010 في 02:18 AM.

[احمد حامد الزايدي]

الحكم لله ثم لال اسعود شجعانٍ قروم=والدايره دارت عليك ابضرسها وابنابها
واللي وسمته مانمحي وسمي منه يحلم حلوم=يحلم حلومٍ ماثبت لناس صدق اكتابها

[ركيان مسعدالمغيبي]

حنا نوصلها الحراوي مانطق الا الخشوم=والا انت تحداك المشاعر وانهيار اعصابها
ياصاحبي يااحمد ولد حامد تولم للهجوم=تراك نشمي ماتخاف وعزوتك يدعابها

[ركيان مسعدالمغيبي]

الختام عندك يا احمد

شاعر جزل ولا فيك حيله

تصبح على خير وبيض الله وجهك

[احمد حامد الزايدي]

فعلي ماحد يجهله ياركان في وقت الزوم=والحرب تشهدلي معاركها وانا حرابها
جاهز تراني للهجوم ومن رميته مايقوم=وانته تعرف الابه اللي تكسبون أعجابها

[احمد حامد الزايدي]

ركيان مسعدالعتيبي


صح بدنك والله يسلمك يالقرم


وشهادتك وافيه وانت وافي


تصبح على خير والله يكرمك ويسلمك