اقتباس:
المشاركة الأصلية كتبت بواسطة فارس الخيل
قصيدة مدح بعنوان (شيخ الجمالين)
موجهه إلى الشيخ
ناصر بن شلاش بن مفرج ابو اثنين السبيعى
رئيس مركز ال شلاش برماح واحد كبار شيوخ قبيله سبيع
اسمع يا ابو شلاش عسى عمرك سنين يـــا ذخرنــــا اللى فالقسى ذاخرينــــه
يـــا طيب الوقفة وراعـــى النباء الزين شـــــيخا تنــــومس وقفتـــه قاصدينه
والطيب مـــا هـــو بدعتن منك هل حين هـــــذا رصـــــيد أجـــدادكم وارثينـــه
واصلت نهجك يــا ذرى من شكى البين نهجــــن ســــلفكم قــــبلكم ناهجينـــه
وزرع لكــــم عــــز ومعـــزة وتــدويــن حقـــــــايقن عنـــــد النــشـامى ثمينه
يا نـــاصر انصرنا عــــن الوصل لاهين تقــــــديــركــم بقلوبنـــــا زارعينـــــه
يا بـــن شلاش ان غابت النفس والعين القـلـــب عنكم مـــا يغيـــب بحنينـــــه
انتم غـــلاكـــم سايـــــرن بالشـــــرايين غــــذى عـــروق الجسم ومسيسينــه
تقديـــركـــم بقلوبنـــا يــــا لبـــوثنيــــن قــــدر رفيـــع وربعكــــم حافضينــــه
يا مجــــدنــــا يــــا فخرنـــا يالصلاطين يا ســـادت الاســـم العريق وعرينـه
لا قيل ويــــن الى يقود العــــرب ويـــن ويـــن الذى لـــه مركبن بالسفينـــة
وتلافتــــو روس الرجـــــال العنيديــــن اهــــل القيــادة والسيــوف السنينة
طلع لهــــم مـــــن دبل الاســــم بسمين اســـم علـــى فعـل كسبــه بيمينــــه
بحدبن تخلــــى يـــابس الراس نصفين ولا تخـــرع مـــن أمتنونـــة أيدينـه
لا جـــــاء حــــزم كلاب جوف الميادين وقيـــل البراء مردود بينــه وبينـــه
وجـــــزل العطايـــــا لا لفــــوه المقليـن نفحــــات جـــوده مــــا تبيح كنينــه
فعــــل ولقــــب ومثبــــت بالبراهيـــــن للـــــي يبـــي مجد العرب مثبتينــــه
منـــه استحق الاســـم شيخ الجماليــن اســـم عريبين النســــب عارفينــــه
وناصر حـــــدى الأحفاد وقـــول نعمين قلته وقبلــــى ســربتــن قايلينـــــــه
ما هـــــوب يهـــدى غيـــر للمستحقين النعم لــــو كل العـــرب كاسبينــــــه
لقيتـــهـــم قـــــدام عينـــــك مـــلاييـــن لكـــن ويـــن محصل النعم وينــــــه
نـــــادر وصـــاروا كاسبينـــه قليلــيــن فالبــر وإلا ساكنيـــن المــدينــــــــة
ونـــاصر مع أهل النعم فالعسر واليــن يستاهله جعـــل الولى مـا يهينــــــه
راع الصحـــــون اللــى عليها بعاريــن وصيــل الغنم لعــل ربى يعينـــــــــه
ولـــد أشــــلاش أحزام من جوه عانين وجده مفرج عون من يستعينـــــــه
سلايـــل الأمجاد مـــــن روس وافيـــن قمت جبل ماهيب جيلان طينـــــــــه
|
الأخ الشاعر
فارس الخيل
لاأدري هل إسم فارس الخيل إسم مستعار أو أن إسمك فارس
لكنك بالفعل فارس في هذه القصيده
مدحت من يستحق المدح
الشيخ ناصر أبو ثنين والنعم ويستاهل المدح وإبن حموله ممدوحين ماضياً وحاضرا ومستقبلاً
والف ونعم والله بشيوخ قبيلة سبيع العريقه
صح لسانك
تحياتي للمادح والممدوح
« آخـــر الـــمـــشـــاركــــات »
22-Oct-2010, 02:37 AM
العرض الشجري