حاكم الغنامي
تعال يامعجب عسى الله يعافيك =وان كان منت بجاي حيل الله اقوى
اروح في دربي لحالي واخليك =مافيه من طرد المقفين جدوى
معجب العتيبي
لا بالله الا اجيك واجيك واجيك=واخذ علومك عقب ماجيك نجوى
عن صاحبي ماني مقفي ولافيك=شيٍ يسبب يابن الاجواد عدوى
حاكم الغنامي
حنا قبايل روق علة معاديك =واليا بقيت بظلنا كنك اشوى
منا السلات وخاله ابن تنيبيك =وابو زريب اللي حفر بير لجوى
معجب العتيبي
ان كان عندك علم هاته ونرضيك=من عقب فنجالٍ تذوقه وعجوى
منكم ومنا ماش فالوضع تشكيك=ياللي عقب غنيت عكرت الاجوى
حاكم الغنامي
من عصرنا الحالي لعصر المماليك =والوضع يامعجب من اسوى ليا اسوى
اخذ الكلام اللي يقوله محاكيك =ماهو كلام اصحابك اخوان بدوى
معجب العتيبي
مدري وش اللي من هكالوقت معميك=يادارس علوم القبايل والانوى
اخوانك اخوانك لو الوقت يغويك=هم درع جنبك يوم وقتك تعدوى
حاكم الغنامي
ماهي لجل هذي ولاهي لجل ذيك =لجل تقول ام القرى مثل صفوى
العد قبل سنين حاميه واحميك=واليوم من يارد على ماه يروى
معجب العتيبي
لا بالله الا الفرق واضح وينبيك=مصحفك ياحاكم واحاديث تروى
يمناي تحميني وتنتفلك اذنيك=لاتحسب انك يابن الاجواد الاقوى
« آخـــر الـــمـــشـــاركــــات »
20-Oct-2010, 02:54 AM
العرض الشجري