((ابراهيم الجذع استلم العوض ))

[ركيان مسعدالمغيبي]

براك @ ابراهيم

صحت السنتكم مبدعين

[براك المهيدلي]

ابن المحايا


اجل تبي لك وسام بعد يانشبة الاداره هههههه


مايكفيك فخراً وسام انتمائك وانتسابك لموقع مثل موقع الهيلا


يامرحبا يابن المحايا

[ابراهيم الجـــــذع]

أنت شفت الحر الأشقر بعد ناش الحمام=يوم حاولتوا تطيرون يا شلة فقيه
ذاك عمرك يوم ما هيب لك برد وسلام=فعل ذربين اليماني لبيضان الوجيه

التوقيع

الذم ما يهفي للأجواد ميزان=والمدح ما طول قصار الأيادي

[ابراهيم الجـــــذع]

صحت أبدانكم جميعاً

شرفنا مروركم

[براك المهيدلي]

عبدالله الجذع


متابعتك تسرنا لاعدمتك


ركيان مسعدالعتيبي


صح بدنك ولاهنت


تحياتي

[براك المهيدلي]

مثل ماوصفت نفسك وعداك الملام=تدري ان الحر من لايعرفه يشتويه
لو نبا نسهرك والله لتبطي ماتنام=اخذ هذا العلم مني و خف مما يليه

[ابن بشيّر]

براك العتيبي = ابراهيم الجذع


ابداع منقطع النظير كالعادة


بيض الله وجيهكم وصحت السنتكم

[ابراهيم الجـــــذع]

لا تروح وتدرق خلف عيدان الثمام=ولا تجيب علوم ما جابها قبلك سفيه
أنت لو أني نويتك عليه بالحرام=لأودعك كوره ومن شاتها ما هو بليه

[ابراهيم الجـــــذع]

صح السانك يا براك

أختم إذا حبيت

والله ما عاد اشوف من النوم

وجاي من مشوار بعد

ما قصرت وبيض الله وجهك

[براك المهيدلي]

انت رجال ٍ مشتت ولا اعرف لك نظام=حار فكري معك منت بسفيه ولا نبيه
لا تعديها حدود الادب و الاحترام=ثم اعلمك الادب كيف يابراهيم بيه