بعد انقطاع 8 سنوات الزلامي وسوار الذهب يتواجهان

[ابوتيجان]

المشاركة الأصلية كتبت بواسطة ابراهيم الجـــــذع

يا أخوي أنا ما اقول شيء إلا متأكد منه

أنا ما قلت مثل كلامك اليوم

إن هذا لبيت معناه الشيخه

يارشيد انته ذخيرة زيد يامال الرحامي
والعوالي كبوا الديره سنه عقب انزلوها


وكتبت أن هذا رد الزلامي على هذا البيت

ماتهم الكلمه اللي ماتنقص من مقامي
وانت لاضويتها جاها رجال سرحوها


الظاهر أنك ما تدري إن أبو رشيد اللي هو زيد شاعر اقوى من رشيد

يعني الكلام عن الشعر ما هو عن الشيخه

عموماً أنا طرحت وجهة نظر ومحد ملزم فيها

والله ياخوك انا مثل ماقلت عبدالله مثل اللي يشوف الشارة ويرميها بحزامه كله مرة يصيبها وعشر مرات يخطيها

ولازلت عند ردي اللي قريته وانحذف لاسباب شرحها لي ابوفايح
وانا اعرف ان ابورشيد اللي هو زيد شاعر علم لكن عبدالله له هدف وده يصيبه لكن اسلوبه تعود فقط على الهجوم وهذا اللي خرب عليه مايخليه يركب المعنى بالشكل المطلوب

[الهزبري]

يااخوان تكلمو بالعقل

الزلامي ليس شاعر معنى؟؟ من قال كذا
الزلامي شاعر معنى من الدرجه الأولى ويعتبر الشاعر الهجومي الأول.
ويشهد له كبار الشعراء مثل صياف وحبيب ومستور.
وليس من المعقول أن يرتبك امام الميزاني بل مستحيل.
ورفض اللعب امامه ليس خوفا منه بل ان ينزل المعنى الي الأسواء.
اما
عبدالله الميزاني انا اعتبره الأول في قبيلة مطير رغم شطحاته وكلامه البذيء في اخر محاوراته.
ولايمكن مقارنته مع زيد العضيله مثلاً الذي خدمه الحظ كثيرا
ولكن
لايقارن عبدالله الميزاني مع رشيد الزلامي ابدا
تحياتي للجميع

[ابراهيم الجـــــذع]

(((والعوالي كبوا الديره سنه عقب انزلوها)))




البيت واضح والله

العوالي المقصود رشيد وزيد

والكلام عن الشعر

ورد رشيد واضح

موكدين أن الليالي كلها برد وسلامي

قبل هذا الليل عاندني رياجيلٍ كلوها

التوقيع

الذم ما يهفي للأجواد ميزان=والمدح ما طول قصار الأيادي

[لماح]

ما أشوف فيه سبب مقنع يجيز للزلامي رفضه اللعب مع عبد الله ؟؟



البيوت عادية ..


الصراحة انا مستغرب من حركة الزلامي لأنه قد سواها قدام عبد الله في حفلة القحاطين


وكررها هالمرة ..








و ودي انوه على نقطة مهمة



يا اخواااااااااان لا تعتمدون على تصاريح الشعار وشهاداتهم



لأننا لو نعتمد عليها كان ضعنا !!



حبيب يشهد لرشيد !


ورشيد يقول حبيب شاعر ما أظمن جانبه !



ومطلق يشهد لعبد الله الميزاني وعبد الله عمره ما جاوز الـ 15 سنة !!




طيب من الأفضل رشيد ؟ ولا حبيب ؟ ولا عبد الله ؟؟



ما فيه شي اسمه افضل شاعر !!




لكن اقول الكلمة المشهورة اللي يعترف بها كل شعار المحاورة الكبار ..




السعد يحضر مرة ويغيب مرة




فقد يكون السعد هالمرة مع عبد الله الميزاني .. وليش لا ..


ما هو إنقاص من رشيد .. رشيد شاعر هرم ولا يحتاج اتكلم عنه


لكن يوم لك ويوم عليك ..

[فهد علي العازمي]

المشاركة الأصلية كتبت بواسطة ابراهيم الجـــــذع

أبو فايح اتمنى تقفل الموضوع

وتحذف الردود الخارجه عن صلب الموضوع

لأن تركه راح يجيب كلام يسيء للقسم والمنتدى بشكل عام

لا لتكميم الأفواه وتقبل الرأي والرأي الآخر بكل رحابة صدر