شاعرنا العزيز (ابن شلواح ) مباشر

[اللطّــام]

حنّـــــــــا الكسبانيـــــــن
واستلــــــــــــــم

من هجوس الشاعر اللي يجيب الغاليه = مرحبابك يابن شلواح/ والساري سرا
اعرف انك شاعر (ن) فيه همّه عاليه = جعل وقتك كلها افراح / والساري سرا

[اللطّــام]

دامك انت اقباليه دامك انت اقباليه = خاطري فاللعب منساح / والساري سرا
مال وقتك يالسنافي على العقاليه = مابه احد(ن)فيه مرتاح/ والساري سرا

[اللطّــام]

لا تروح ابعيد ياطيّب الامثاليه = القلوب اثبت لك اصحاح / والساري سرا
الحيل نكبه بعضها على المحتاليه = كل قفل (ن) وله مفتاح / والساري سرا

[اللطّــام]

كل نفس (ن) شافت الضيم ماهي ساليه = لاتخلط الجد با امزاح/ والساري سرا
معك مالك يالعتيبي ومعيه ماليه = ون جلبنا نكسب ارباح / والساري سرا

[اللطّــام]

وانت اشوف بهرجتك شانت الاحواليه!!= علتك تبغى لجراح \ والساري سرا
لاتزعلني ترى اركي عليك الصاليه = لا تكررمثل ماراح \ والساري سرا

[اللطّــام]

الجبل واسمه جبل صعب ماينزاليه = لو يشين الوقت مازاح\ والساري سرا
انت معك اسلا ح ومقابل الابطاليه = فيه ضرب اسيوف وارماح\ والساري سرا