سبت وليف جرحني وانتقل من عفيف

[ابن صنهوت]

المشاركة الأصلية كتبت بواسطة أبن شويمي المرشدي

بعد الغياب والمده الطويله نعتذر و نبارك لكم بالشهر الفضيل وكل عام وانتم بخير
ونحرك المشاعر والاحاسيس يهذه المتواضعه ::

سبت وليف جرحني وانتقل من عفيف

العين تسهر وعافت من لذيذ المنام=والليل ليلة حزن والجو جو مخيف
أشره على نفسي إليا شفت نور الظلام=وأمشي وهوجس تقول الشخص هذا كفيف
ماني براعي مذله لاكن الحب سام=كم واحد بالمحبة صار دمه خفيف
لي مدة والهواجس كلبوها حيام=سبت وليف جرحني وأنتقل من عفيف
إمنول لاختفى له عودة كل عام=واليوم له مدة ياقوم معاد شيف
سألت جيران بيته قالو أنهى الدوام=وانهي جميع ارتباطه فالبلد يالطيف
سلم علينا ووادعنا بكل احترام=يقول صدر قراري باتجاه المصيف
وصديت كني كبير فاقد له شغام=أطيب عياله رحل بأسباب حادث عنيف
ياسم حالي من المجمول زين اللثام=قلبي بعد غيبته مابين هم ونزيف
العين تذبح وعنقه عنق ريم العدام=وجسمه معزل وخصره بالمثاني نحيف
إليا مشا وعذاب القلب مشي الحمام=يمشي ومشيه تغنج لاكن انه شريف
كامل وصايف من الله ياعرب بالتمام=وزينه طبيعي بكل الكون ماله وصيف
وختامها أبأرجي المعبود منشأ الغمام=يلطف بحال طواه الهم وأصبح ضعيف

وسلامتكم..
الشاعر::
عبدالله

صح لسانك يابن شويمي