يوم اسير في ربوع اوطان روق وبرقـا

[محمد بن غازي]

يوم اسير في ربوع اوطان روق وبرقـا

واهنيك فـي حياتـك بالهنـا يالورقـا=واهنيك تلعبيـن السامـري مسـروره
واهنيك ماانكوى قلبـك بنـار الفرقـا=ولاحنى الهجران حالك حنية الباكـوره
ولا غرق جيبك وكمك من هميل الزرقا=ولا انتبهتي هود ليل الكرى مذعـوره
ولا سرابك هاجس الخلان غرب وشرقا=من هزيع الليل لين الصبح يبدي نوره
مثل من دنياه بالحيلـه درقتـه درقـا=من كثر غاراتها ضـده تهشـم زوره
في النحر فرسانها دايم طعنهـم زرقـا=وصار جيشه منهزم وجيوشها منصوره
ما مرادي من هوى خطو العنود الطرقا=لو تبين قدمـي المكيـاج والحمـوره
حالي اللي سمها والي سرقهـا سرقـا=شوف دار كانـت بسكانهـا معمـوره
يوم اسير في ربوع اوطان روق وبرقا=شوفها يحزن بعد سكانهـا مهجـوره
منهم اللي هاجروا بديار حضر الورقـا=ومنهم اللي في ثراها اجسامهم مقبوره
ما بقي في مرحهم غير الشنون الحرقا=والاثاني والرحى والبرمـه المكسـوره
كل ما اشتاق لمباديها المنيفـه وارقـا=قام فلم الذاكره قدمـي يعيـد الصـوره
وانزل وجيبي وكمي من دموعي غرقا=ولو تعل العين الارض بدمعها معذوره
ليت ذكرى ذكرها في وسط جوفي عرقا=تنمحي مثل الطباشيره مـن السبـوره
وليت جرحي بالعلاج والقرايـه يرقـا=مير جرحي مزبنن يحتار بـه دكتـوره

الشاعر القدير/غازي بن عون

[مشاري الحبردي]

الله الله

كيف وهي من غازي بن عون


صح لسانه
وسلمت يمناك يامشرفنا الغالي

[العــــــــابر]

صح لسان شاعرنا الكبير

وسلمت يمناك

قصيده رائعه

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

[راكد الراكد]

مشكور على النقل

وصح لسان بن عون

[جابر الفهد]

مشكور ع النقل

[ولد الضيغمي]

صح لسان الشاعر غازي بن عون

ولا هنت يا مشرفنا العزيز على النقل

[محمد بن غازي]

أشكر كل من مر على متصفحي وشكر ... فالشكر لله ثم لشاعرنا القدير غازي بن عون

[فهد النفيعي]

صح لسان الشاعر القدير / غازي بن عون

ولاهنت على النقل الموفق يا ابوغازي.

وكل عام وانتم بخير...