مساجلة مع ناصر المرشدي !!!

[سعود العصيمي]

المشاركة الأصلية كتبت بواسطة سلطان الجـذع

..

مساء الخيــر .. تواصلاً مع هذا القسم .. أبيات ارسلتها للمبدع ناصر المرشدي .. مع ردها
ولي الشرف والفايدة بـ مساجلة قامة شعرية بحجم ابو تركي ..

ياناصر المرشدي فاضت عيون القصيد = بعد اكتست من تباريح الحزن ثوبها!!
سو البخت صايرٍ في يدين الافراح قيد = ما مرني من ثلاث شهور مندوبها!!
وقفت بالصبر في وجه الزمان العنيد = وشانت ظروف الحياة وضاقت دروبها!!
نار الهوى موقدة وتقول : هل من مزيد = وانا سلوك الغرام تجرني صوبها!!
الفتنة اللي فرقها كل وصفٍ فريد = والزين ماكنه الا وزعةٍ دوبها!!
جتني تهادا مع الشريان مدري الوريد = ولاخذت من ضلوعي غير مطلوبها!!
ماهقوتي عقبها يطري على البال غيد = في غيرها رغبتي ياقل منسوبها!!
مرحوم ياحلمي اللي مت ماانت بشهيد = وذبحتك ماهي بشئ !! من أصغر ذنوبها!!
عهد المجاريح يكتبني قديمه .. جديد = للي تصب الجروح بنفس محبوبها!!
تقدر ترد الشقي بعد الشقاوة سعيد = لكن ما حررت نفسي من كروبها!!

الرد : ناصر المرشدي

تفتحت للقصيد أكمام طلعٍ نضيد = بعد المشاعر عليها هلت نصوبها!!
لاني بـ منها قريب ولاعليها بعيد = لو مااحسب حسابها ماصرت محسوبها!!
سلطان تلعب به الورقاء بخضر الجريد = يجر معها لحنها فوق نبنوبها!!
لو أن قلبه حديد العشق سيفه حديد = يسلب عقول الرجال ويأسر قلوبها!!
فولايته تصبح الاسياد مثل العبيد = فشروق شمس الغرام الحي وغروبها!!
وفي عالم الحب ماندري من المستفيد = نارٍ لزادوا حطبها تأكل جنوبها!!
لو كان هارون في عشرة زبيدة رشيد = انته ياسلطان روحك ماقضت نوبها!!
الفاتن اللي بعدها قام همك يزيد = اعطتك من وقتها واسقتك من كوبها!!
جاتك على هونها تمشي رويداً رويد = اللي على اول صباها دوبها دوبها!!
واقفت على هونها وكفوف الاحلام بيد = تشيل على كفوف العشق ماجوبها!!
الله يرد إلك من خلتك واحد وحيد = اللي يزعلك ضمتها لدبدوبها!!
وان كان في بنك صبرك مابقى لك رصيد = عزيتها في فقيدتها ومحبوبها!!

..

اقتباس كاااامل


مالقيت ولا بيت يفرق عن الثااااني

صح والله لساااانك يابو عبدالله

على هذا الابدااع الغير مستغرب منك

يالاسطووورة


وعزالله اني يوم اطلقت عليك
هذا اللقب ماظلمت نفسي

ههههههه


واسندت على شاعر لايقل بشعره عنك

ابو تركي

صح لسااااانك ملياااااار


على هذا الرد الواافي الكافي

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.