ناصر المرشدي تفضل ::

[معجب العتيبي]

بندر المرشدي

تعال ياناصر نبا نفتح الدرج=درج القسايم خل درج الخزينة
امس العصر ما في جهازك ولا برج=عنا اختفى ما عاد نسمع رنينه

ناصر المرشدي

اللي يشيل الخرج والداب فالخرج=الله على باق المسافه يعينه
ارتاحت اذني يالعتيبي من الهرج=وتركت للسواق ضوضاء المدينه

بندر المرشدي

الي يجيب العور والعمي والعرج=تبا توقع بين خشمه وعينه
في ملة الاسلام ما ناكل الحرج=عذرك هذا يمشي على جاهلينه

ناصر المرشدي

صل الصلاه اللي تصلي بها وارج=اللي له المخلوق يرفع يدينه
بين الحصان وبين خياله السرج=كانك ماتدري ويش بينه وبينه

بندر المرشدي

صوت المواذن فالمدينة وفالخرج=طير شياطينك قرينة قرينة
لا خير فوباما ولا خير في جورج=رغم اختلاف اللون نفس الرطينة

ناصر المرشدي

الله لايبلاك بالموقف الحرج=ياللي تقول الخرج عند المدينه
ان كان قلبك من زمانه مرج مرج=في موترك حنت سيور المكينه

بندر المرشدي

واد الرمة لاجاه سيله من العرج=تعالموه اهل القلوب الفطينة
عان الحمامة تتبع الدرج بالدرج=واتجاذب اللحان الغرام الحزينة