أليا متى والريح تومي فيك يالعود الخضر ... وليا متى والقاع ممحل والسما مليان غيم

[طلال ناشي]

بعد التحية

أسعد الله أوقاتكم بالخير والمسرات

قصيدة بمناسبة زواج الأخ / محسن بن عوض الحربي 27 / 7 / 1431 هــ - الخفجي

عسى أن تنال إستحسان الجميع

سلام تسليم الكرامه والمعزه والقدر = ياحرب ياللي في الخفاجي والمدينه والقصيم
يأهل الشهامه كل ماظاعت مفاهيم البشر = وأهل الوفا والطيب والنوماس والمجد القديم
فالحفله اللي نورها يوضي كما نور القمر = حضرت شاعر والمشاعر كنها روضة خريم
أليا غطاها النبت بنواعه وفاح أبها الزهر = عقب الثمان اللي مطرهن بين سيل وبين ديم
شاعر وغني لابدى الميقاف ونحت من صخر = وغلب مساري فالشعر على السراط المستقيم
مالي على ضعوف الرجال اللي تناديني ممر = لن الضعافه للضعيف والحشيمه للحشيم
أجي لا نادوني طحاطيح الرجال أمن السطر = أبوي موصيني على هذي وتفكيري سليم
أجي ولله الثنا والحمد كله والشكر = مالي ورى قول ونعم والعلم المنومس غريم
هذي سوات الطيبين أهل الوفى أبعاد النظر = ماهيب سوات أقريب النظره ولا القلب الغشيم
مير أسمعوا والشاهد الله وشهدوا يامن حضر = أقولها ماني مجاملكم ووالله العظيم
إني ليا غنيت في حفل الحروب أليا الفخر = الحفله اللي يفتخر فيها المسافر والمقيم
حفلت أهل يامرحبا والنار في بيت الشعر = اللي يجاذبني سناها في دجى الليل العتيم
مجلاسنا مع طيب الساسين مايقفي هدر = وقبالنا يفرحبه اللي لاحقه فالوقت ظيم
في سدنا ماتلحقه حتى صواديف الدهر = نذري علاه أمن الهبايب والسمايم والنسيم
حنا عتيبه عزوة الهيلا مقابس الظفر = الله خلقنا نذبح الحايل ولطمن للخصيم
كم واحدٍ فينا تهقوى ثم عود منكسر = جانا خشم شامخ وعود عقب ماجانا خشيم
ماعندنا ألا اللي مظاربهن يفجن النحر = ومركاظنا منه يتعشى النصر والذيب والمحيم
نوعد ونوفي كل مادقت نواقيس الخطر = ونظرب بسلات السيف الحدب والله والرحيم
والطيب ورثة جد والنوماس داعٍ للفخر = وحنا وعزوتنا شبابه كلبونا سيم سيم
هذا قبل عبدالعزيز إيعزنا بدو وحضر = الصيرمي اللي عسى مثواه جنات النعيم
وليا بغيت أورد الكلمه على بطن وظهر = أما عرفها اللي مايعرف شي يعرفها حكيم
أليا متى والريح تومي فيك يالعود الخضر = وليا متى والقاع ممحل والسما مليان غيم
أن كان ابو عرام عن هذي تعذر ماقدر = أنا اشهد أنه مايردك يالكريم ألا اللئيم
يامحسن الله لايبارك في خوين يعتذر = عن حفلتك وأنت الكريم ابن الكريم ابن الكريم

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

[أسير القوافي]

ونعم فالممدوح ،، ويستاهل ،،




وصح لسانك يابن ناشي ،،




قصيدة وافيه ،، عميَت فيها كل النواحي وأجزلت معانيها وتركيبها ،،





يشرفني المرور من هنا ،، قتقبَله بصدر رحب ،،




لاهنت ياعشيق البنت ،،

[رجا بن فهيد الهاجري]

الله الله

قصيده شاعر جزل قادر على كتابه نصوص سيكون لها شأن في المستقبل


صح الله لسانك ياطلال

[فهد علي العازمي]

صح لساااااانك يالعالي
وشرفت عتيبة بها القصيدة
ونعم في حرررررب

[طلال ناشي]

المشاركة الأصلية كتبت بواسطة أسير القوافي

ونعم فالممدوح ،، ويستاهل ،،




وصح لسانك يابن ناشي ،،




قصيدة وافيه ،، عميَت فيها كل النواحي وأجزلت معانيها وتركيبها ،،





يشرفني المرور من هنا ،، قتقبَله بصدر رحب ،،




لاهنت ياعشيق البنت ،،

صح بدنك يا أسير

شكراً على مرورك الكريم ... شرفتني طال عمرك


تقبل تحياتي

[طلال ناشي]

المشاركة الأصلية كتبت بواسطة ابو زيد

الله الله

قصيده شاعر جزل قادر على كتابه نصوص سيكون لها شأن في المستقبل


صح الله لسانك ياطلال

صح بدنك يابو زيد


شرفتني بمرورك الكريم ... وأضفيت على جزالت النص


جزالت الإطـــلاع ... لك كل التقدير والإحترام

[طلال ناشي]

المشاركة الأصلية كتبت بواسطة فهد علي العازمي

صح لساااااانك يالعالي
وشرفت عتيبة بها القصيدة
ونعم في حرررررب

صح بدنك يافهد


الشرف لي بمرورك الغالـــي يابن عاصي


لك كل التقدير والإحترام

[علاي الحافي]

طلال ناشي قال من قال

انت شاعر بما تعنية الكلمة

قصيدة جميله والجميل هو حضورك بها لناء

الممدوح يستاه والمادح يستاهل المدح

فلا تحرمنا من جديدك

وألى الامام

[بندر المقاطي العتيبي]

صح لساااااااانك يا طلال


و الله يبارك لمحسن


و قصيدة جزلة كعادتك


بندر غزاي المقاطي ...

[ولدعساف]

حنا عتيبه عزوة الهيلا مقابس الظفر = الله خلقنا نذبح الحايل ولطمن للخصيم
كم واحدٍ فينا تهقوى ثم عود منكسر = جانا خشم شامخ وعود عقب ماجانا خشيم
ماعندنا ألا اللي مظاربهن يفجن النحر = ومركاظنا منه يتعشى النصر والذيب والمحيم

الله الله !!
,,

صح لسانك يابو ناشيء مبدع كما عهدتك .. ودي وتقديري لك !!

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها