العمــــــدة
يا سلطان الرجل لاقل ماله يستلف له مال=ولا يقعد يهز الراس ويووجل مشاريعه
ترى ربعك عتيبه جاهزة بالمال والا الحال=ليا سجلت رقم ابشر بعزك واس تربيعه
سلطان الجـذع
يدورن الليالي والوفاء مع صاحبه لا زال = لكن الوقت لن ماطاع ابا امشي معه واطيعه!!
تعلمني وانا اعلمك هذا العلم ماينقال = ترانا من يسر نشري مثل شرواك ونبيعه!!
العمــــــدة
تقوله والقصر شهــــــرين بابه فوقه الزرفال=وراعيه العرب بادين في ذمه وتشنيعه
امامك جيش وخلافك بحر موجه شديد اهوال=دقايق والفتى ما نلمح الا روس اصابيعه
سلطان الجـذع
كثر ذنب العباد اللي من اجله وقّف الهمال = وجملنا من ثلاث سنين مازانت مرابيعه!!
تركد لاتروح لحال وعلومك تروح لحال = ولاتنسى صقيلٍ ما نسى قلبك مواجيعه!!
العمــــــدة
شكى الجمال وقته مير من حوله 100 وبال=لو انه مرهم في ساعته حلوا مواضيعه
انا خابرك يا سلطان مانت اعور ولا دجال=ذياب الريع جوف الريع ما تخشى جرابيعه
سلطان الجـذع
على كل الموارد للجذع درب ودلو وحبال = ماغير اثنين فيها يذكر الظامي منافيعه !!
نبا نأخذك بالمعروف والا حيلة المحتال = لأن الدين ينهانا عن الآآآمن وترويعه!!
[/quote]
العمــــــدة
هذا وقتً مضى واليوم لا مخرج ولا مدخال=تجمع من ذهبنا المعتبر وتعيد تصنيعه
رجل يوزن بضلع ورجل ميزانه بحبة خال=وانا ما اضحكني الا الموتر اللي بان تقطيعه
سلطان الجـذع
على الله مع متاهات الخيال وضحكة الجهال = لو املاكك قروشٍ من زكاة المال تجميعه!!
لو أن الثوب الابيض فيه ياطير السعد رجال = طلع للناس بالوجه الجلي واثبت مطاليعه!!
العمــــــدة
على وضح النقا ما نتقي والعقد له حــلال=سكنا العاصمه والا انت اظنك ساكن الضيعه
قناة الواحة اللي كل مدة تقطع الارسال=ماهي مثل الصفا اللي كل ساعة تدحر الشيعه
« آخـــر الـــمـــشـــاركــــات »
22-Jun-2010, 11:15 AM
العرض الشجري