خصمي بلا سبه عطس وانزكم ,, القرقاح والدغيلبي

[المثالي]

	سفر الدغيلبي عنيت وحضرت و وجهتي ما تضيع بشارك وابارك للدواسر جميع قبيله تميز بالمقام الرفيع ما يقضي اللزوم الا رياجيلها ماجور يالشاعر القرقاح الماجور عقب الكلايف وتبعيد المسافه انا بطبعي ما احب العمي والعور والطبع الاخر عدو ٍ للقافه فلاح القرقاح اذا جيت عطران الشوارب يجون وذا الموقف اللي ما يجي فيه هون مدحت الدواسر واهم يستاهلون .............. مشكور يا ابو سعد مشكور مشكور والحمد لله ما فيها كلافه عطنا الحقيقه بلاش تلف وتدور قلوبنا نظاف ما تبغى نظافه سفر قبل لا تقال علوم صم ٍ بكم ابى احطك انت الخصم وانت الحكم وخصمي بلا سبه عطس وانزكم .................. ماعاد بيني وبينك كبر الاظفور من الغلا والموده والمرافه عندي نظام ٍ قديم وصار دستور ان المجامل مع العايل ضعافه القرقاح تقلب بنا الايام والله علم من اللي بترويض السباع يحلم ولولا السلم ما جاء جراد السلم ...................... ان طعتني لا تكبر وانت مكبور لوعنقك اطول من رقبة الزرافه خل المشّوك يرج الناس ويثور الوضع يا ابوسعد ماهوب تافه سفر يعاندني القرقاح وانا عنيد يا وجه الفهر ما جبت علم ٍ جديد جراد السلم يقضي عليه المبيد .............. جنب ٍ بليا ضلع يصبر على الجور وان كانه صخيف انزيده صخافه صفوا طوابيركم طابور طابور من صفها عشق خلاها عيافه القرقاح تشوف الرجل جبل يشوفك جبل تشوفه صغير شوي اظنك خبل ترا من قرصه الداب خاف الحبل .............. تراك يالادمي منهي ومامور لو معك جسر ٍ مثل جسر الرصافه ما ظر ابو الطيب الا مدح كافور وكافور خشمه مثل صحن الكنافه سفر انا ربي اعطاني حياة الضمير اشوف الرجال ارجال والصلح خير واشوف الحقير الله يامنّا حقير .............. الادمي يا فلاح احساس واشعور هذا الخبر غير قابل للاضافه ان كان ما ينفع المرضان دكتور يالله عافه من اللي فيه عافه القرقاح شف الاولا والاولى ماهي فانيه انا والرفيق الكفو والعانيه وشوف المرايه تطلع الثانيه ............. ان كان قلبك على الشكات مفطور لا تعترض للقناه وللصحافه

[منيرالروقي]

عندي نظامن قديم وصار دستور _ إن المجامل مع العايل ضعافه .... صدقت يادغيلبي ويازين برهان القول بالفعل ولاهان ابن ريفه