علي الشهراني =
يا سلام الله سلامٍ عليكـم مـا يبـور=الردي ما ياصله و الكفو مـا يقطعـه
قوم يا الهرش المسمّى ترا الدنيا تدوور=محزمك لا طااح وشلوون تقدر ترفعـه
سعود العصيمي =
مرحبـا ترحيبـة ٍ كنهـا در البحـور=والبحر مايضربه غير من يسبح معه.؟
ياعلي جيتك وجيب الخبر وانت مخبور=شاعر ٍ معروف فالضيق والاّ فالسعه!!
علي الشهراني =
البقا يا الهرش و الهرش له راسٍ و زور=و ان هبدنا راس زوره تهيّـا مصرعـه
الذهب و الماس و النفط داخـل دارفـور=و البشير يقول يا زوول ما شي منفعـه
سعود العصيمي =
انتبه لاتقرب الهرش وتروح معثور=لن هبدت الزور زورك يخليه اربعه؟
ياعلي لن طعتني لاتلـف ولاتـدور=في ديار القوم مانته بلاقي منفعه!!
علي الشهراني =
ما نذمك لكن الناار فاحـت بالقـدوور=و الغشيم اللي على الفوح يشّر باصبعه
تغسل الاموات و الّا تحفّـر للقبـوور=مالـك الّا حاجـةٍ بالشـراع مشرّعـه
سعود العصيمي =
لاتقرب شعلة النـار وقـدوره تفـور=وش تبا بالقدر واغطاه يومك ترفعه؟؟
انت مسرع في طريقك وخالفك المرور=ماتشوف الارصفه والطريق موسعه؟؟
علي الشهراني =
لجل تخفيف المشااكل و تجبير الكسوور=الخطا لو كـان واضـح لـزومٍ تبلعـه
الله اعلم ويش مخفي ورا ذيك الصدوور=اليديـن مستّـره و الوجيـه مبرقعـه
سعود العصيمي =
غيرك رجال يحلون عسرات الامور=وانت مالك شأن فالعلم حتى تتبعه؟؟
ماذكرنا تذكره فالورود وفالصـدور=اشتر اللي ناسبك والمخسر لك بعه!!
علي الشهراني =
جعل يفدااني و يفدااك عشااق الظهوور=كلمةٍ بالحـق و الحـق مثلـك يقنعـه
كل شئ الّا الخطا و الخطا سم النحوور=افصل المووضوع بالعدل يعني سنّعـه
سعود العصيمي =
دام بيت العز بالعز مبني ومعمـور=لاتهمك هرجة اللي ضميره يوجعه!!
الخطأ مانقبله يشهدون اللي حضور=وانت من ذمك نرده بحق ونمنعه!!
« آخـــر الـــمـــشـــاركــــات »
العرض الشجري