سعود العصيمي =
من هجوس الشاعر اللي دارس ٍ طب الجراحه=ياسلام بـردة ٍ مثـل الثعـول يهـل ماهـا!!
شفت مقعد جرّده قائد لواهـم مـن سلاحـه=والقضيه وش سببها كلهـا مـن مبتداهـا!!
مقعد الدغيلبي =
مرحبابك من هجوس(ن) كل ماطلقنا سراحه=عانق نجومٍ تلامع يالعصيمي فـي سماهـا
العصيمي منجرح لكـن متجاهـل جراحـه=الجروح المدميه عامين ماحصـل دواهـاا
سعود العصيمي =
عام الاول مقعد موشح على صدره وشاحـه=مار زاد الكحل بعيونه وسبب لـه عماهـا!!
العصيمي من تعرّض طرقته يشكـي رماحـه=ماشكى هم الهنوف اللي على راسك عصاها؟؟
مقعد الدغيلبي =
رتب علومك وحاول معي تهرج بالفصاحه=لاتعلم فـي علـومٍ وجههـا كنـه قفاهـا
لاتضيق بك الحدود ولاتضيق بك المساحه=شي عادي لو تصلح ياولد عاصم غداهـا
سعود العصيمي =
ابن منعـر مايباهـا مـار منـي وصباحـه=من صرف عملته في سوق الخساره مالقاها؟
كم وكم قلت الك هاذي شركة ٍ ماهي مباحـه=مار مطعمت النصيحه لين جازتك ابجزاها؟؟
مقعد الدغيلبي =
الجمل كثرة سكاكينه بعـد حـان انسداحـه=وانت من ضمن الجمال اللي تردد في رغاها
انت مثل السوسه اللي تقتضي وقت الفلاحه=لامتى نفسك غضبها ماتساوى مـع رضـاها
سعود العصيمي =
البعير اللي تقوله طول عمره في مراحه=والاّ انا حرآ تعلا فالخضارا واحتواها.!!
وانت لو ودك براحه ماتحصل معي راحه=وانت مثل اللي تبا الطاله وقاصرة ٍ يدها؟