 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
13-Aug-2005, 11:25 PM
|
رقم المشاركة : 1 | |||||
|
رسالة عجوز (صعبه الفهم)
رسالة عجوز (صعبه الفهم)
-------------------------------------------------------------------------------- السلام عليكم ورحمة الله وبركاته أتركم مع الرسالة ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ السلام عليكم ورحمة الله وبركاته وبعد رسالتس اللي كزيتي وصلتن وفرحت به ...وكثر الله خيركم على المقطع والغدفه الي كزيتي لي,وابشرتس ان اخبارنا تسرتس. البقرة اضنت ، والبيض فقش ، والدجاجه الرقطا راجن ،وإن إدحيم العلي أعرس ، ونوّير مخطوبة ، وعويش فطمناه ، وسويرة رفعناه من السقاط وصويلح شراله دنانة ، وسليم ختم المصحف ، وإعزيز الصالح طاب من الطنان ، وسند ولد مضيوي بدا يحبي ، والحمد لله طاب الجحام الي بعينه ، وأنتي صاتزه حطينا عليه تبنه ، وحصيصه طابت إقطوفه الي براسه ، ومنيره مشطناه بورده وأم سويلم طلعت من الماجب ، وتممنا لسويلم ، والنعال الزنوبا اللي تخبرين عندناهاك السنه رقعناه ، ومقطع الروز خبناه ، والدوشق غيرنا قطاعته ، و السفرة الكبيرة علقناه بالقبة ، وحطينا بيت للرادو ، والمصحف حق عمي غيرنا ثوبه ، والسراج زينا فتيلته .وال**يل مليناه حتات من إنخلتنا ، وشرينا سحارة ولقيناه مكسورة .وبقولس إني مع هالحمولة غاديتن حوسة ، الطاية تخر ، والمثعب منشق ، والقتاله منقلعة ، و باب الروشن منكسر، والتسوله مسنيّه ، وبريتز الغرش الصغير منقشع ، والله يهديتس يأم دحيم.البزارالي كزيتيه شوي الكركم به ، والمسمنه تقل رماد مابه ليمون ، والفتيت مسري ، والكليجا تقل عظامة . وذا بغيتوا تكزون شي:كزوا شي يبل الريق ويواجه عند الحمولة . معكم علم إن حمولتنا ناس نقادة . وخالتي شرّاهة ، وعمتنا حقنة مايجوز لهاشي مثل رقاص الساعة،.وحريم عمومتنا صرت إثمنلهن ، وجذعانهم فرقا عين جدي شيبان كبري يترددون علي هالجصة قضوا على النعمة تقل دبا ، ونا ماودي أطول عليك الحتسي عسا مايخليني منتس ، ولامن جناين قلبتس ، لاخلا ولا عدم وسلميلي على نفستس ومن يعز عليتس .و أخص بالسلام مضيوي وفطوم وقوليلهم والله ماخلان أقصر عنوتي عنكم وأشوفكم إلا إني عويجزة ولاصقة علي ظهيري وضليعاتي ومارخة كتوفي ورجيلاتي بالفقس .. ومعتس علم هالارياح يعودن بين حين وحين ومع هالبراد صايلات علي يالله حسن الخاتمة والعمل الصالح وسلمي وأنتي سالمة اختس: مزنه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ملطوشه لطشنآ |
|||||
|
|
|
|
|
|
|
|
|
|
14-Aug-2005, 07:20 PM
|
رقم المشاركة : 2 | |||||||
|
هههههههههههههههههههه
الله يرجك يافواز تسلم اللطشة و راع اللطشة تحياتي
|
|||||||
|
|
|
|
|
|
|
|
|
|
|
14-Aug-2005, 09:23 PM
|
رقم المشاركة : 3 | |||||
|
اخي فهد الف شكر لك ياغالى على مرورك الكريم
|
|||||
|
|
|
|
|
|
|
|
|
|
|
15-Aug-2005, 09:44 PM
|
رقم المشاركة : 4 | |||||
|
اخوي فواز والله انها صعبة الفهم
مشكور وما قصرت |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
