كشف حساب

[هلال العتيبي]

فز ياهاجسي جو المدينة عليل=البحر فانْتظارك والقمر في حراك
وجّه الحرف وابحر في بحور الخليل=قوم فل الشراع انكان ذعذع هواك
سرّها في حدود الممكن المستحيل=سرّها لين عند القوم يُحْمد سراك
لايردّك بحر مايج وظلمات ليل=شد حيلك ولاتخشى الغرق والهلاك
وانتبه مركب احلامك حذارى يميل=يستفزّ النجوم الساطعة في سماك
وان طلع يوم ثاني لاتمنّى المقيل=ياعسى يومك المشرق يعانق مساك
بين شمس الشروق وبين شمس الاصيل=كلّ شيِّ تراه العين وانت بهواك
لاتردّد ولاتركن لظلَّ ظليل=اعسف الصعب واحذر لاتعوّد وراك
قال هوّن على نفسك وخلّك ثقيل=دوّن اجمل كلام يليق في مستواك
وش جنينا من الواحة وطلع النخيل=ووش حصدنا من النرجس وعود الاراك
راجع ايام عمرك شوف وين الحصيل=قبل ينصب لك الوقت المهوّل شِراك
قلت ياهاجسي خابرك سيفٍ صقيل=ليه ماانته على خبري وش اللي دهاك
ماخبرتك كليل ولا خبرتك ذليل=ليه يقْصر مداك وليه تعثر خُطاك
كنت في ساحة الميدان تصهل صهيل=تُسْمِع الاصنج الابكم والاعمى يراك
قال لاتنخدع في كلّ طرفٍ كحيل=كلما شفت زولٍ تحسبنّه ملاك
واذكر الموت والقبر ونهار الرحيل=شوف وش تاركٍ لهلك وش آخذ معاك
واذكرذنوبك ويوم الحساب الطويل=واذكر النار واهوال القيامة هناك
واذكر الحور والفردوس والسلسبيل=والنعيم العظيم انكان ربّك عطاك
وانت واعي واظنّك ماتغرّ الدليل=وشتبي بالنشايب جعل عمري فداك
قلت يالله طلبتك وانت زبن الدخيل=ظلّني تحت عرشك واحمني في حماك
انت حسبي ومعبودي ونعم الوكيل=خالقي والله اني ماسجدت لسواك

[فهد الزهراني]

ياسلام ياهلال

قصيدة مفعمة بالخيال الشعري والنقاش بين الذات والذت وقد اجدت الصنعة الشعرية فيها وخرجت بنص شعري فاخر هذبته بنصائح غالية وكأني بك تحث نفسك ومن حولك على تحدي الصعاب ونفض غبار التكاسل والتردد والاقبال بهمه لما هو آت .

دمت في الق وحبور

[رايدالجعيد]

الله الله الله

وش ذا الإبداع و الروعة

ابو شادي و الله العظيم شهادتي فيك مجروحة


نص رائع بروعة كاتبه و ناظمه

لا فض فوك

بنسميك :::: استاذ الشعر

[هلال العتيبي]

المشاركة الأصلية كتبت بواسطة فهد الزهراني

ياسلام ياهلال

قصيدة مفعمة بالخيال الشعري والنقاش بين الذات والذت وقد اجدت الصنعة الشعرية فيها وخرجت بنص شعري فاخر هذبته بنصائح غالية وكأني بك تحث نفسك ومن حولك على تحدي الصعاب ونفض غبار التكاسل والتردد والاقبال بهمه لما هو آت .

دمت في الق وحبور

فهد الزهراني
صح قلبك ونبضك
تشرفت بمرورك طال عمرك
اخوووووووووووك

[هلال العتيبي]

المشاركة الأصلية كتبت بواسطة رايدالجعيد

الله الله الله

وش ذا الإبداع و الروعة

ابو شادي و الله العظيم شهادتي فيك مجروحة


نص رائع بروعة كاتبه و ناظمه

لا فض فوك

بنسميك :::: استاذ الشعر

اخي وصديقي
رايد الجعيد
صح قلبك ونبضك ياأمير
مرورك وشهادتك فخر ياابن العم
مودتي يالغالي

[أبونايف الروقي]

	هلال صح لسانك واعتلى شأنك . تقبل مروري

[عبدالله الفهد الاسعدي]

صح لسانك مدد بلا عدد

باذخة شعريه فريده ، ماشاء الله عليك

تقبل مروري

[ربح السبيعي]

صح لسانك على هالقصيده الجزله والرائعه

[هلال العتيبي]

المشاركة الأصلية كتبت بواسطة أبونايف الروقي

ابو نايف
صح قلبك ونبضك
مرورك وسام طال عمرك

[حفيد المسنحاني]

اخوي هلال العتيبي صح لسانك واعتلا شانك
اعجبتني كثيراً تقبل تحياتي