يبى يهدر حلال القوم و وسومي على علباه

[المثالي]

صقر سليم


ابو تركي مضاله وقت لا جانا ولا جيناه
ما غاد نشوفه الا فالقنوات الفضائيه
وحنا ودنا بالطيب مع مثله ومغ شرواه
لكن من الزمن مقهور واخلاقه تجاريه


مستور العصيمي


ابو تركي ليا دورت اله يا صاحبه تلقاه
لكن انت متضيع بين هاذيه وهاذيه
والا يا صقر خلك صقر صقر ٍ ينعرف مرباه
ترا ما بيننا فالملعبه كلمه خصوصيه



صقر سليم


ترا اللي بعد ما يبني يغود يهدم لمبناه
لو انه ما يكرر بنيته ما هي ضروريه
وابو زيد الهلالي بعد يذبح مثل ذبح الشاه
ليا ما احدٍ قضى ثاره يلحق بعده اوخيه



مستور


ترانا يا عرب ما نحسد الطيب على ماجاه
لو انه يملك القطرين وابنوك السعوديه
اظنا فاخر الدعوى نبى نلحق مقيط رشاه
كما ان مقيط يوم يروح ما جاب الاماريه



صقر




ليا قلنا عليك الحكم قلت الحكم ما نرضاه
واذا قلنا هلامك قلت ما فيه اتفاقيه
وانا ما اضحك غلى المبلي غفانا الله من بلواه
لكن السالفه صارت على ما قيل عاديه




مستور




تحاكمنا بشرع الله وشرع الله ما نعصاه
ما دام ان ديننا الاسلام و الاحكام شرعيه
ليا مني ضحكت لصقر يا شعار جاب اقصاه
يا صقر اقرب لهيب النار لين انجض لك الكيه


صقر





ترا اللاعب بعد يخطي يبى يجزا بمسواه
لو انه يختفي بين الجموع الاتحاديه
ليا مستور شب النار كويناه فوق اكلاه
وينشر له خبر ما بين الاخبار المحليه


مستور



يبى يهدر حلال القوم ووسومي على علباه
ترا ما عاد فيها يا هل المغنى محنيه
والا يا اهل العقول الراسيه كل ٍ يخض اسقاه
فالاقطار الشماليه والاقطار الجنوبيه


صقر



تريح يالبعير اللي مع الديره كثير رغاه
يزوزي بالحمول وصورته فالشات حصريه

[متعب الفيصل]

اخوي المثالي انت مثالي على اسمك في اقتناصك للمحاورات الجميله امثال هذه المحاوره

فشكرا لك ويعطيك العافيه

المحاوره جميله اشكرك عليها

تحياتي متعب الفيصل,,!

[علي الشهراني]

مشكور يا المثالي




ملاحظه هناك بعض الاخطاء الاملائيه اتمنى تنتبه لها




و ابيض وجه و في انتظاار جديدك

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[الجوراسي]

لاهنت يالمثالي

محاورة ممتازة

[المثالي]

الف شكر لكل من مر من هنا