سرح فكري وضيقي طلع في نايف المرقـــــــا ب لمح دار من الغربي مساها دوم محرومــــــــ

[شوق المها]

سرح فكري وضيقي طلع في نايف المرقـــــــاب= لمح دار من الغربي مساها دوم محرومـــــــــه
سكنها من هجرني عام الأول بدون أســــــــــباب =وأشوفه كل مايبطي يزيد الشوق لقدومـــــــــه
واقول القلب تاب من الهوى واثر الهوى ماتــاب =يجدد كل عـثرات الزمن ويبعث همومــــــــــــه
حسبت ان الهوى طب يداوي قلبي الــمنصـــــاب =خسارة ماتت جروحي بوسط القلب مسمومـــه
اهوجس من شقاءعمري وانا توالشعر مــاشـاب =واحاول افهم علومي ولو ماهيب مفهومــــــــه
اجامل واخفي دموعي واراعي قلبي الــكــــــذاب =واحاول اخفي هموم كثيره بس ملـمومــــــــــه
اسولف كن في يديني من احداث الزمن اكـتـــاب= وانا اسولف من جروح بوسط القلب مكـتومــه
ونوب لا جلست اسكت تقول بوسط اجـــنـــــــاب= ولاحد ياخذ علومي ولاني باخذ علـــــومـــــــه
صبور ولو قسى وقتي وبين لليـــــالى نـــــــــاب= صبورلو يسهرني ويقطع طاري الـنومــــــــــه
سريت بلبله قمراء ودرب كل ابوه اهضـــــــــاب =غصبت الرجل تمشي له وروحي فيه ملزومــه
سريت ودربي يروع مشيته ماحسبت احــــساب= مادام اللى ورى دربى جروحي سبة اسهومـــه
رسمت اسراري بدفتروعديته من الاصحــــــاب =واقدر صحبته لوهي بقايا جروح مرسومــــــه
اذا ضقت وفتحته ذكرت المدرسه والــــــــــباب =عرفت اشلون ساعات القلوب تكون مظـلومــه
بنيت من الوله خيمه وحطيت العروق اطــــناب =وخفوقي بارسمه طفل ربى محروم من يومــه
وانا ادري كل مافيني سبايب نظرتين اعـــجاب =رماهن من حكم قلبي وخلا الروح محـكومــــه
طلبتك يالله الولي طلبتك يالله الــــــــوهـــــــاب =تعدل كل عـثرات الزمان وتجلي همومه

أخوكم الشاعر / شوق المها