العــــــازمي
ادن يالساطي هنيّا ماش هوش ولافراعه=كلها قاف وهجوسك ودنا نبحث خفاها!!
حزّموك ابّندقٍ ماقط ثارت بالسراعه=وانقضى كم عام وان ثارت تثوّر في خباها!!
الصــــاطي
جاك ساطي والكلام اللي يشوق بستماعـه=نسمعه وان ناقش الاصحاب ونوضح خطاها
كان ماتعرف نبيك ماتحـل الـك الشفاعـه=وان بغيت اتقول كلمه رجع الكلمه وراهـا
العــــــازمي
كلها ركعه وتسليمه بحسب الاستطاعه=لو تكبّر فالخلا الخالي تبا تقدر علاها!!
انتهى عصر الغنا واقبلت ياوقت المجاعه=قالها اللي فالجزيره يعرف البير وغطاها!!
الصــــاطي
عزتي للقاف يوم يـرد راسـه مـع كراعـه=لا اطرب انفوس الرجال ولا استراحة من عناها
الشجاعه يالعتيبـي مـع رياجيـل اشجاعـه=مـار ربعـك لا تجاهلهـا وتجحـد مستواهـا
العــــــازمي
لاتحصر الفكر في شانٍ قضى في ظرف ساعه=وانت تحلم بالنجوم اللي تزاحم في سماها!!
ودي ازرع في قلوب اهل الطمع بعض القناعه=لاجل بعض الناس ماتقدم على خيبة رجاها!!
الصــــــاطي
انت شاعر ياعتيبي خل في علمك براعه=والشعر مايختلف فالملعبه ولا سواهـا
ولله انا في ديار القوم مانغدي طماعـه=والجمال اللي تخبط من عماها في عماها
العـــــــاازمي
لو نجامل كل واحد كان سببنا ضياعه=لين يصدم فالجبال ويوقضه نابي حصاها!!
مابقي خلف الكتايب واهلها جالب بضاعه=واللحى لن ماحتمتها مرها الموس ووطاها!!
« آخـــر الـــمـــشـــاركــــات »
26-Apr-2010, 02:24 PM
العرض الشجري