من يفيدنا بمعنى هذه المحاورة

[ابن المحايا]

هاذي المحاورة كانت عام 2001 بعد احداث 11سبتمبر وماحصل من كلام حول الحرب على العراق

وهذا تفسيري لها ويمكن يكون صحيح ويمكن يكون خاطئ واتمنى من الاخوان ابداء ارائهم

وكما قال اخوي الدجيماء ان

مستور يتقمص دور العراق

وحبيب يتقمص دور الكويت



حبيب

صيح مرة ويسلم لك مية كافر*** واحترم ناقة الله وسقياها


الشطر الاول يتكلم عن صدام وكثرة خطاباته وانها (تخويف) فقط


والشطر الثاني

هنا حبيب يتكلم على ان (ال....) هي ناقة الله وسقياها

مستور

جتك ام الكباير واختها العابر *** ماتريح على ماها ومرعاها


ام الكباير == امريكا

اختها العابر == بريطانيا

مستور

ياحبيب وانا طول الدهر صابر ***وانت تكتب لها القصة وتقراها

هنا يتكلم عن الحصار الاقتصادي على العراق وان (الكويت) تحرض امريكا عليه

حبيب

اشركن الاخوات وعمهن فاجر*** مثل من جاء يداوي العين واعماها


الاخوات == الخليج


عمهن== امريكا

الشطر الثاني

يقصد الجيوش الغربية وجلوسها سنوات عده في الخليج

حبيب

يالعصيمي توقعها على الصابر*** كان طاحت عصاك اللي تعصاها

يحذر مستور من ان نهايتة ستقترب اذا حصلوا(النووي) واللي رمزلها حبيب بالعصا

مستور

جالها اللي بسيفه يقطع الدابر*** واستلمها من اقصاها لي اقصاها


الشطر الاول يقصد

ان امريكا اتت للكويت بقوتها

والشطر الثاني

يقصد ان الكويت كلها صارت تحت حماية امريكا

مستور

اه من علم يطري لي على الخاطر*** لو تشد الغروب وينتثر ماها


هنا يتمنى استحلال السعوديه ورمز لها على انها بالغرب عنه

حبيب

وانت وين الشطاره عنك ياشاطر*** بعد ماكان وسمك فوق علباها


يستهزئ بقواها ويقول انك كنت تستحلها لكنك هربت منها وهو يذكره بحرب الخليج عام 1990

حبيب

انت في خاطرك حاجه هذا الظاهر*** مير ماتستحل رجال بلحاها

هنا يقول ان خططك خبيثة لكن ليس باستطاعتك استحلال السعوديه

حبيب

كان عيا سلاحك ينحر الفاطر*** خلها سالمه ترجع لمرباها

يقصد الكويت

مستور

اترك الدرب الاعوج واتبع القاطر ***وان عطيتك وصييه عيب تنساها

اسلوب التهديد اللي عرف عن العراق يتقمص دوره مستور في هذا البيت

حبيب

لو مستور سيفه صاطي باتر*** كان يمديه من قبل امس ذكاها

يقول ان لو عندك سلاح (نووي) كان انهيت الامور من عام 1990 عند استحلالك الكويت

حبيب

انت واحد من الانصار ومهاجر*** مير هجرتك هاذي ويش معناها

يستفسر عن استحلاله للكويت

مستور

جاك يالعازمي سيل بلاماطر*** مايفكر بضيق النفس ورضاها
يقصد هنا عند استحلاله للكويت انه باغتهم فجأة بدون اشياء تلمح (للغزو)


وهذا تفسيري والله اعلم

آخر تعديل ابن المحايا يوم 23-Apr-2010 في 05:37 PM.