سعود العصيمي=
يسعد صباحك يارعد ياتاجر الوقت المخيف = ياتاجر الوقت المخيف اسلم وسلم واستلم.
ابعيرك اللي يارعد مابين رمح وبين سيف = سوقه بدربه لين عن بعض التحادي ينتظم
العمده=
تسعد وتحيا رافع الراية على الضلع المنيـف=ما تشكي الحيرة ولا تشعـر بخـوف ولا ألـم
درب الجمل شقران سالك في شتاء والا خريف=ما قدم السية ولا وايـق علـى ريـع النـدم
سعود العصيمي=
الله يكـرم راع الطالـة بتكـريـم ٍ نظـيـف=مابه عليكم زود مار الخـط واضـح بالقلـم.
اوحيت الك علم وخبر حول الرصافه والرصيف=اتحلل ا دمـي العـرب وتحطهـا دم الحلـم!!
العمده=
كفيت كفك كن مالك شف في فنجال كيف=واللي يصبه مكرم الضيفان في حلة كرم
اعاتب الطايف واهاليها بعد نسيوا عفيف=الديرة اللي تعتبر في ماضي وحاضر علم
سعود العصيمي=
راع الشداد اللي شداده ملك مايقبل رديف=لو كان ماقلنا خطأ والاجوبـه لا أو نعـم.
سرعتك يانايف صحيبي زعلت عمك منيف=ومنيف لامنه زعل مافيـه رحمـه للرحـم
العمده=
ما تملكه لا صرت ما تحميه بالحد الرهيـف=واليا نطحت ذياب ابن غانم تبا تبطي عظـم
اما اعدلوا والا جرى يوماً مثل يوم الصريف=تروح فيه ارواح قوم وينكسر 100 خشـم
سعود العصيمي=
ياصاحبي مؤمن قوي اخير من مؤمن ضعيف=وانته تغني كل صفره يارعد وسط الحـرم!
ماينشد الضابط عن اللي رتبته رتبة عريف=هذه مصيبة كان طامع فالعلم واهل العلـم!!!
العمده=
الكبتن الطيار ما غنا ولو غنا المضيـف=ضغطه من اصباعه تزود فالضحايا والهدم
تقوم والا تقعد الدنيا ترى مصرف جنيف=معروف وضعه يا رجال المعرفة منذ القدم
سعود العصيمي=
تبا الحقيقة والله اني خابـرك رجـلآ شريـف=لكن ابا احسمها معك ياصاحبي بكـره حسـم!!
مصرف جنيف اللي تقوله مصرف ٍ ماله وصيف=راقي على الراقين وانت ابشر بخير وقول تم!!
العمده=
واللي سواتك ماعليهم زود حسوة للحليــــف=لكن ما جوك الطراقي جوع يا راع الشحم
حبيت احطك يا طويل العمر في موقف طريف=والا ترى الدنيا بعد بكرة تبا تغدي عدم
« آخـــر الـــمـــشـــاركــــات »
15-Apr-2010, 11:43 PM
العرض العادي
