سعود البرقاوي=
الشايب اللي ماعرفنا ويش قال وكيف قال=ابا اطلبه فالمنتدى واهرج معه وامزح معه
العام فالمحضار ماثمّن مواجيب الرجـال=واليوم ليته ماتضيق به الجهات الاربعـة
النشمي=
يامعزب اسلوم الرجال وجاي طائر بالسوال=قصر التحيه مثل من يلطم عيونه بصبعـه
العام تسرق مال غيرك تدعيبه راس مـال=وتحط روحك في محل الضيق وانته فالسعه
سعود البرقاوي=
اليا زعلت اضرب براسك في شماريخ الجبال=شرواك ماله غار ضربه في ضلوعه توجعه
الشق حاول تنتبه له من يمين ومـن شمـال=كانك ماتقـدر ترقعـه حنـا لاقمنـا نرقعـه
النشمي=
ياشين حظ اللي يسيسها على الجرف الهيال=والله يعوض بخير دام العلـم هـذا مطلعـه
احكم بيوت الشعر والا خلها يابـن الحـلال=ترى البيوت بدون معنى ماوراهـا منفعـه
سعود البرقاوي=
ارسلت لك لمحة بسيطة مير مافيك احتمال=فعلك يسود وجهك اللي كل يـوم تلمّعـه
من ثقلها عيا يقوم بها القوي من الجمـال=والا انت يالنشمي لسانك واجب إنا نقطعه
النشمي=
وش فيك تصرفها هلل وانا مصرف لك ريال=من لايقيس البحر قبل الغوص يلقى مصرعه
اللي عقيمـه ماتعقـب لابنـات ولاعيـال=كثر الغلط يقل قدرك واسمع العلـم اسمعـه
سعود البرقاوي=
افزع لبن سرحان يعطيك العمامه والعقـال=تراك شايب منت ورع نسكتّـه بالمرضعـه
يالربع لا احد يلومني ويقول شيء(ن) مايقال=انا على النشمي معي حجة قويـة تقرعـه
النشمي=
فايز ولد سرحان ميراده على العـد الـزلال=وان شافه سعود النفاعي ياعرب صف اربعه
اختامها بالمسك والدنيـا نـزولاً ورتحـال=ياسعود كلاً يحصد اللي في حياتـه يزرعـه
سعود البرقاوي=
حنا الحقيقة مانعـرف مـن العبيـد الا بـلال=صاحب رسول الله ونعرف قصته مع صعصعه
خذها نصيحة لايظلي فيـك مـن دم الغـزال=خلك سواة الحـر ينهـض لاكشفنـا برقعـه
النشمي=
سعود ظاهر في لهيب الشمس من وسط الظلال=وان كثر اعلومه حرام انـي لاجـي واسنعـه
عطيته الكيف وعلاه الهيل من صفـر الـدلال=واثريه من ناسـأً تحـب الهيلمـه والزوبعـه
بيض الله وجيهكم
وصحت السنتكم
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
11-Apr-2010, 08:43 PM
العرض الشجري