ناصر المرشدي
هلا يامرحبا ترحيبة الفرسان بالفرسـان=من اول يوم كلِ فالحيـاه يعـد طبلونـه
لقيت التكسي اللي مايغادر شارع الخزان=على قولة حبيب (كل خلق الله يكدونـه)
زياد الشطيطي
يدوم الك البقى ياللي ترحب والكريم معان=على هالعصر ومنوّل يحب اللي يمرونـه
نقلنا هم قومٍ من حصا الطايف ليا كبشان=لحيث اني لسان الشعب واللي كثرت ديونه
ناصر المرشدي
ماسبب فالبلد زحمه ياكود مطير والافغان=مايعترفون باللوحات والشارع يعكسونه
نقلت الهم يوم انك زبنت لحلة القصمان=لكن عود على مهنتك لو ماهيب مضمونه
زياد الشطيطي
ترا حنا نعرف اللي يصكون الطـرق يافـلان=اخوك اللـي معداتـه تحفّـر حسـب قانونـه
غذا جسمك على الرشوه وصرت تطمر الجرفان=هذا تمشط لـه اللحيـه وذاك تحـوّي قرونـه
ناصر المرشدي
شكيت الجور يوم انا عليك نسكر البيبان=وتال الوقت راكب تكسيِ تبرم دركسونه
لاتنسى قصة الفنجال يوم يكيف العمسان=عذانا يوم بعض الناس ياكل زيت زيتونه
زياد الشطيطي
انا ماشره عليك ان صرت ياناصر طويل لسان=اعنّز هيبـة الشرهـه علـى قـومٍ يعرفونـه
تموت ولا انته بناسي وانا في نعمة النسيـان=واقول ان السبب في سيف شال الراس بمتونه
ناصر المرشدي
طويل لسان بالحجه واثبتها على البرهان=وياكم لحيةِ بالدهـن فالميقـاف مدهونـه
تقوله والقبايل تعرف الرابح من الخسران=تمنى والتمنى طاحت الهقوات من دونـه
الله يبقيـكم
وصحت السنتـكم اثنينكم
« آخـــر الـــمـــشـــاركــــات »
10-Apr-2010, 09:11 PM
العرض المتطور
