الـعـازمـي
فايز ولد سرحان فايز فالذهاب وفالآياب=كحّل عيون الصابيه عن بيت اهلها من زمن !!
الحظ دايم معتلي والعزم قضّاض الهضاب=والاوله والثانيه يعرف بطلها فالوطن!!
ابـن سرحـان
يابو طلال اليا احتزمت بعازمي وشلون اهاب=وانته كحل عين الصبايا من دمشق اليا عدن
انا ليا مني بديت الريـع كملـت النصـاب=والخطوه اللي ماتعز الطيبيـن الهـا ثمـن
الـعـازمـي
حنا نعرف ان المراوغ مايليق من الذياب=كنت احسبنّك مزبن الدعوى والك قلبٍ فطن!!
اللي على صم الصفا نوّخ وعقّل فالركاب=من مطرقه لن ساقها وان قادها لزم الرسن!!
ابـن سرحـان
بعض العلوم اللي سمعناها تجيب لاكتئآب=لاصار سرك ياولد عاصي ماهو مثل العلن
انا عيوني فالصقر وانته عيونك فالغراااب=و عزالله اني لو عزمتك مالقيت الا السمن
الـعـازمـي
اسمع وميّز فالعلوم وكل باب وله جواب=ومقابل الرجال للرجال مايحسب طعن!!
الصفحه اللي خطّها فايز على صدر الكتاب=معها بصيص للنور من ماضي توارى واندفن!!
ابن سرحــــان
انا اتحرى واتورى فـالهبوب وفالسحـاب=ولا الجنازه عانها ياعيد في وسط الكفـن
نبا نحني من رقاب العيس مصقول النصاب=امـا رمانـا بالعايـم فوقهـا ولا غــدن
العـازمـي
في ناظرك بالله حظك ويش ودا . ويش جاب؟=وانا اتفرج فالضوامي يوم للعد وردن!!
تشكَ السنين العوج من حر التوجد والغياب=واليوم موعوده بفرحة يوم من سايق ضعن!!
ابـن سرحــــان
الحظ ماهو في جنوب القوم \ في روس الحراب=والعرق لامنه روي بالماء يبايـروى الغصـن
انته تسمـع فالحقيقـه لا تطـارد فالسـراب=والشيعه اللي قدسوا فالموصل حسين وحسـن
« آخـــر الـــمـــشـــاركــــات »
09-Apr-2010, 10:38 PM
العرض المتطور
