العااازمي=
يادكتور المعاني والهدف في سستم التشفير=ورقم الكود خمس حروف شدّاده ونزّاله!!
تضيّرها على جلد الحوار ولاترام الضّير=وذالحينه تعلّاها البعير وقطّع عقاله!!
النشمي=
ياعيد ارفق بحال العود لاتشغله التفكيـر=ورقم الكود مايدخل مزاجه دور ابدالـه
زمانك لو صفالك يالعتيبي فيه شر وخير=وللبيب العقل يعرف مخرجه قدام مدخاله
العااازمي=
اخذ من راحتك راحه قبل لايلحقك تقصير=وفي هاذي وهاذيه يحط القرم معداله!!
هبوب الشك والريبه هبوب. وكنّها معصير=تمر السيل واطرافه وتطرح شمّخ جباله!!
النشمي=
ياعيد انته معك بعض العلوم وخانك التعبير=ومن سوى سواتك يابن عاصي حالته حاله
انا ماصدق اللي قيل لين اشاهـد التقريـر=ترى الاعلام تال الوقت مما صار يرثالـه
العااازمي=
على الدرب العوج شيّدت مبناها انت قبل الغير=وصارت حجّةٍ للي ورد للعد بحباله!!
ماغير طويق يالنشمي ضلع ياكود ضلع النير=رواسي قبل ابو زيد الهلالي يظهر هلاله!!
النشمي=
مشينا فالطريق المعتمد وانته عكست السير=واقول اللي يعكس السير فـال الله ولا فالـه
نبا نشهر سيوف المعركه واللي يصير يصير=ومن لايمتلك عزم وصبر مشـروب فنجالـه
العااازمي=
عليك من الليالي ياثبيتي قيس حمل بعير=بعيرٍ مايزل الدرب كانك صرت جمّاله!!
انا ماقول فيك قصور تشرب من قراح البير=ولكن القلم غيّر نفوس وحطّها عاله!!
النشمي=
انا اعرف حاملين المسك واعرف نافخين الكير=وشفت اللي يشب النار بين العود وعياله
ياكم قنالكم فاهل الغلط والكذب والتزوير= ثمان اسنين وهمه بين رجليه وخياله
« آخـــر الـــمـــشـــاركــــات »
العرض الشجري