العلم المحكحك بالمعاني جاك جاك .. معجب العتيبي حياك !!

[معجب العتيبي]

الشهراني

يا معجب العلم المحكحك بالمعاني جاك جاك= امّا اقبله و الّا ارفضه و الّا التزم صمت الادب
الصاحب الخوّان يضحك لك و يطعن في قفاك= والّا الكفو يبقى كفو حاضر على وقت الطلب

معجب العتيبي

يالشاعر اللي جيت ناصح ليش يوم الله هداك=ماتبتدينا بالسلام وتحترم سلم العرب
ماصاحب الخوّان والموضوع ماضنه خفاك=ليتك تدقق فالكتب قدام لاتبدا الكتب

الشهراني

دام المعزه و الغلا فالقلب فالدنيا فداك=قدّام لا نبدى و لا نبدى مشاريه و عتب
عود البشام المنكسر يا خوك جبره عود راك=يعني تكّذب من صدق و لّا تصدّق من كذب

معجب العتيبي

دام الغلا بين الر جال اهل الوفا هذا وذاك=وانا على مثلك مابيها ياعميلي تنحسب
دامك تقدمها على وضح النقا ما اعتب علاك=والبينه تبقا على مر الزمن ماتنشطب

الشهراني

ان كنت تحسب مستواي اخوك يحسب مستواك=الراس يبقى راس يا رجّال ما يرجع ذنب
عطيتك العلم النقي و انته تحاوص من دهاك=ابو لهب و ابو جهل و ابو جهل و ابو لهب

معجب العتيبي

ابا انشدك كم طير حلق ياعميلي في سماك=اشوف رادار المحطه عقب مازان انعطب
الناس عند الناس لاجبت النصيحه ماتباك=حتى ولو قدمتها على الصفيح امن الذهب

الشهراني

الله و اكبر كم و كم من سلك يشكي الاشتباك=كله على شاان الكلام اللي يجي بلا سبب
لا تحسبنّ الشيخ يا معجب يصوّت في حراك=ان جيت و الّا رحت ما يبدي على الوجه الغضب

معجب العتيبي

ماتلحق الشكات غير اللي حياته فرتباك=ماهوب من طبع الرجال اهل الحسايب والنسب
وجهٍ بلا تعبير يارجال جعله للهلاك=ماهوب محسوبٍ على الريجيل لو جاله شنب

الشهراني

الديك يبقى ديك طول الليل شغله كاك كاك=و الّا الصقر حومته لا ما حام تقطع فالعصب
يا راعي العين الوسيعه كيف ترضى في عماك=تجحد و تنكر علمها و الدم لا حد الركب

معجب العتيبي

اثرك تربي للطيور الداجنه فأول صباك=لكنّ مافرّقت بين اصواتها خاب التعب
عزالله اني بأول الطرقه نصحتك عن خطاك=وجبت المطمه كنك اللي يطلب السيف الحدب

التوقيع