يامرحبا ياشاعرٍ طيبه على روس الجميع

[معجب العتيبي]

العازمي

يامرحبا ياشاعرٍ طيبه على روس الجميع = بالشعر والاخلاق والماضي دليل القادمي!!
وين السحاب اللي خياله يعقبه نبت الربيع= كان الهبايب ساقته محدٍ عليها نادمي!!

الدجيماء

دام البقا يالشاعر اللي ماجهلناله صنيع = ماني بلاقي له حلايا لوّ أدوّر فادمي
البرق يبرق والرعد من فوقكم جاله قريع = وبل الحيا اللي يحيي الميت ولاهو هادمي

العازمي

للشعر والشعار ذوق وصاحب الذوق الرفيع = ياعنك مايجرح شعوره كف عيد العازمي!!
مافوقنا الا الخالق الرزاق ذا الحلم الوسيع = لاتنّجم عز الظهر من كل طيرٍ حايمي!!

الدجيماء

الفرق بين الخلق واضح لاتتوه ولاتضيع = عدّي ماضِمْنَت له الجنه مع انه حاتمي
ماكلف الله عبد من خلقه على مايستطيع = يعطي ليا اعطاه الولي هذا كلام الهاشمي

العازمي

قبل شهر شفناك تطلبلك طعامٍ من ضريع = في عينك المظلوم يالثعلي يصير الظالمي!!
ترى الوداعه يالدجيماء ماحتماها الا الوديع = العب وسولف دام قلبك من عناها سالمي!!

الدجيماء

قبل شهر فزعت قبل الحق فالشاشة يذيع = لكن هالحينه عرفنا الصح قولٍ جازمي
اليا وقف خيّر قبال الشر واصحابه جميع = اعطاه ربه في يمينه سيف حقٍ صارمي

العازمي

العقل نعمه والتمادي فالخطا فعلٍ شنيع = حسب الامل منته لبيبان المشاكل خادمي!!
ماكل رجّالٍ يداه تشدّ مصقولٍ بريع= لاتخرق الآوزون ويخرب النظام العالمي!!

الدجيماء

خابرك تطلع في (صدى) واليوم مطلاعك فضيع = هي فسخ عقد او بالنصيفه ربحها متقاسمي
يمكر حفيد الرافضي مكرٍ يشيّب له رضيع = وكتاب ربي يفضح المشرك و مكر الكاظمي

التوقيع