نبا ننحت على صم ّ الصفى ,, والنيّه النيّه ,, الليل يبو سلطان

[معجب العتيبي]

خيال الصفراء

سلآم الله سلآم بالمودّه والوفـــى والطيب = آقوله للرجال أهل الوفى والنيّه النيّه
يبو سلطان قم نبغى نغني دون شك وريب = نبا ننحت على صمّ الصفى والنيّه النيّه

معجب العتيبي

هلا يامرحبا ترحيبةٍ تسبق بريح الطيب=ارحب بالرفيق اللي لفى والنيه انيه
اجل لامن سرينا لايجي للخافيه تسريب=نوايانا تجي سد الخفى والنيه النيه

خيال الصفراء

يدوم الك البقى والليله المعنى قوي وصعيب = عليكم ما خفى مدري خفى ,, والنيّه النيّه
آشوف الناس فيهم يا ولد مخطي وفيه مصيب = وبعض الناس تهرج بالقفى ,, والنيّه النيّه

معجب العتيبي

على مثلي ومثلك ما اعتقد معنى الحروف يغيب=وحرفك لاصفى حرفي صفى والنيه النيه
زمان الظلم مايبطي ولو انه يكون صعيب=ونور الحق بيّن ماطفى والنيه النيه

خيال الصفراء

بعير القوم يضلع يا طويل العمر وسط شعيب = وأظن الرجل جا فيها حفى ,, والنيّه النيّه
تذكّر ضيفنا اللي لآ لفانا نكثر الترحيب = عقب ما راح شف قلبه جفى ,, والنيّه النيّه

معجب العتيبي

بعير القوم لو صابه وجع ثم اقتفاه الذيب=نسى رجله ويبطي ماغفى والنيه النيه
انا لوقلتلك فيما تقوله يالعميل مصيب=اخاف اني ظلمته لو عفى والنيه النيه

خيال الصفراء

عسى شمس الحقيقه فالبلد يا صاحبي متغيب = بوقت ٍ برد ولآ في دفى ,, والنيّه النيّه
علآمك تتهمني يا طويل العمر بالتكذيب = وانا اتبع لي رسولٍ مصطفى ,, والنيّه النيّه

معجب العتيبي

ليا صار البلد يستغفر ويمشي على ترتيب=يجي عقب المرض. فيه الشفى والنيه النيه
انا ماتهمك ياراع الوفا لكن بعلم الغيب=خفايا القلب لو قلبك نفى والنيه النيه