سعود العصيمي=
سلام الله سلام ٍ نيته وحده واله وجهين = اله وجهين ذيب وكل رجل يعرف الذيبي!!
والا يابن فلاح الاستفاده منك للغالين = تدورها عتابه منك وانا شاعر عتيبي!!
علي العضياني=
هلا يا مرحبا حسب السلوم الطيبه و الدين=سلامك مختلف و انا على القانون ترحيبي
يا طيب الفايده لو إنّها ما غير في بيتين=مع اللي سالمين من الهوَس و الشكّ و الريبي
سعود العصيمي=
سلامي مع سلوم اهل ا لسلوم السايرات ايمين = على سلم الرجال الطيبه ماحدر شعيبي!!
عن بساط الكرم واهل الكرامه و ين رحت منين = ياشاعرنا المطوع عقب هاذي لاتصليبي.!!
علي العضياني=
مليك الاردن الحالي من أحفاد الشريف حسين=ليا منّه بغا الرّاي إستشار معمّر الليبي
ما ألوم اللي بوسط الدايره ما بين جيم و سين=بعد عمره وصل 50 دقنه كلّها شيبي
سعود العصيمي=
ياطيبك عقب جبت الثانية ماراحن الثنتين = وكمل في مواجيبك وانا اكمل مواجيبي!!
اخير من الرجال اللي عن اهل الدائرة مقفين =ولاادري وش تقول ان قلت لك ويش التسابيبي!!
علي العضياني=
يا بو طايل مضالك من سنوات الضياع سنين=من الشكّه تخـمّ اللـي تشوفـه بالتلابيبـي
عسى ربّي يديم الهيبه اللي مثل سور الصين=قنوات الفضاء ثلثين منها ( بثّ تجريبـي )
سعود العصيمي=
أنا ماني بضايع وان غدالي فالزمن قرشين = عساها ماتعود ماتنقص شي من جيبي
عسى ربي يعز البيرق اللي فالقسى واللين = تحت ظله تسير القافله (عصبآ بلا طيبي!ّ!)
علي العضياني=
صحيح الباكي النصاب ما ينثر دموع العين=ابو وجهين يا ويله على خضر المشاعيبي
ألا يا سعود جلاّده ملكها الشيخ إبن حثلين=بعد ما حطّمت فالملتقى حرش العراقيبـي
سعود العصيمي=
صحيح المدعي من دون حجة حق فاله شين= يشوف العيب حق ويحسب انه حق ومصيبي!!
يبا يجلد بها ما دام خصمه محتمي الجمعين = ولن ما الله هدى راكان لابده يهذريبي!.
علي العضياني=
ألا يالمدّعي بالله وش دخّلك بين إثنيـن ؟؟=يدور بك الفلك و الآدمي ما يعلـم الغيبـي
يفكّون الجهام أهل القنا و السيف ابو حدّين=بعيدين المشاويح و عطيبين المضاريبـي
سعود العصيمي=
عليك موردة ومصدره فالسابق وهالحين=انا مالي دخل فيك انت أنا يم الاصاحيبي.
انا خابرك ضلع ٍ مايهده غير ابو بكليـن=ليامنا وردنا العد صفينـا المشاريبـي؟
علي العضياني=
أبو طايل بعد ما ذاق سمّ الداب أبو نابين=يخاف من الحبال اللي على حيد الاطانيبي
أنا و يّاك عنّا ربعنا فالمنتـدى داريـن=لكنّك لا تقول العلم هذا و انـت تدريبـي
« آخـــر الـــمـــشـــاركــــات »
العرض الشجري