للتواصل آمل قبولها
ياصاحبي بيننا (حبل) الصداقه وثيق = الهجر مايعقده / والبعد مايقطعه !
صداقة ٍ ثابته مادام ثابت طويق = ومادام كل الجهات الاربعه . اربعه !!
عززت بنيانها باللي يطيب ويليق = لان الغلا والوفاء والطيب من منبعه
ياليت وألياك مابين المحاني تويق = وتشوف قدرك بقلب ٍ تحتويه اضلعه !
وياليت ما للزعل بين الاحبه طريق = وياليت للعذر دايم باب يدخل معه !
جربت الايام واخترت الصدوق الصديق = اللي خطايه ليا مني خطيت ابلعه !
ماهو من اول خطا منّي / عليّه يضيق = ولاني من اول خطا انسى خوّته وأمنعه !
لو كل كلمه تولّع فالضماير حريق = يمدي صدور النشاما كلّها أمولّعه !!
واللي على خاطره يطري الزمان العتيق = يدري ان وقته يفّرق مابغى يجمعه !
ياصاحبي والعتب واللوم مابلّ ريق = هذا كلامي نطقته حرف / حرف اسمعه !
صداقة اللاش لو تلمع وتبرق بريق = مامن وراها ولو طال الزمن منفعه !
صداقته ماتساوي فصّ خاتم عقيق = واللي يبيعك من اول سوم جالك / بعه !!
ومن لاحفظ وزعة اصحابه وقدر الرفيق = اخترت عنه السعه / هو فيه غير السعه !
| التوقيع |
ياناشد ٍ عن عتيبه تعرف اعتيبه =قبيلة ٍ تظهر المسجون من سجنه !
قوم ٍلها العزّ والامجاد والهيبه =وتشهد لها الناس ( قبل العرض واللجنه )!
واللي تشوفه على (الصحرا ) نماريبه =هذاه مترك سليل المجد ابن حجنه !
mrm@mergab.com |
« آخـــر الـــمـــشـــاركــــات »
( حبل ) الصداقه
العرض الشجري