يروح العمر والمركب يسير وهالزمان يدور

[ابومتعب الرويس]

سقالله يازمن من وين ذاك المنـزل المهجـور
بعد ماكان منـزل عامـر ٍ بأهلـه واحبابـه
تهدم مابقى منّه سوى بـاب وبقايـا سـور
ولكن مع مرور الوقت باقـي شامـخٍ بابـه
يسولف للزمن عن ماضي الذكرى وموت النور
وكنّ الشمس من خلفه تزول وتعلـن غيابـه
بقى خالي بعد ماكان بأهله شامخ ومعمـور
ومن جرد السنين أصبح رفات وغادر أصحابه
يروح العمر والمركب يسير وهالزمان يـدور
وتفرقنا الليالي بس ذكـرى الأمـس تبقابـه
صحيح الناس لا قالوا ذكر أهل الوفا مخبـور
ترى حتى ولو زال الجسد يبقى على.. ترابـه
تغيب ايامهم لكن تسجلها القلوب حضـور
وتبقى سيرة الغالين رغـم المـوت واسبابـه
ذكرتك وانتهى عهد وبقى ذكرك بنا محفـور
أبد مايختفي حبر الزمن مـن صفحـة كتابـه
وأنا يالشعر لوسقت القوافي شاعرك معـذور
عزيز ٍ ترقد الذكرى بوسط العيـن وأهدابـه
ومدام القول عندي ماتحكمه غايـه ودستـور
هنا هديت بأحساس القصيد ونـوخ ركابـه
غني بشعري وعادي اكون بساحتـه مغمـور
ولاهمتنـي الشهـره ولافكـرت بألقـابـه
هنا والموقف أجبرني لعينـك يالحنيـن اثـور
وأعود لماضي أجدادي وأعيش الأمس وأحيابه




لشاعر /سعود العنزي

[عبدالرحمن الهيلوم]

صح الساااااااااااااااانك والسااااااااانه

دمت بود

[ابومتعب الرويس]

منوووور ومشكور على المرور