ذيب عروا اقرب جاي

[زبن الجعفري العنزي]

سلام تسليمة من صادق احساس= ياشاعر مطير مادوني ودونك
ياذيب عروا علامك مبلش الناس = الناس خلقه تراهم مايبونك

[صاهود]

يامرحبا وانت يابعدك عن الكاس=لو القبايل وراك ايشجعونك
الذيب من يرغبه ياطيب الساس=مايرّغب وانت والله يرغبونك

[زبن الجعفري العنزي]

الله الله

دام البقا والذهب مايقلب نحاس= الناس لو حاولوا مايقلبونك
الذيب مانجهله لو يلبس لباس=مالوم يوم العرب ماياكلونك

آخر تعديل زبن الجعفري العنزي يوم 17-Jul-2009 في 01:21 PM.

[صاهود]

اهب يالسبحه اللي كلها الماس=لو تنعرض عندهم مايشترونك
الخال ماينوكل من ميمت الحاس=رح وانشد اللي وراك ايعلمونك

[زبن الجعفري العنزي]

مانته محصل عشى ياطابخ الفاس= لكن ياصاحبي ريح جنونك
لو المطيري سكن في وسط تكساس= حتى النصارى ترى مايامنونك

[صاهود]

انت العشا والعوض يابارد الباس=لاجعت خليت ربعك يدفنونك
انا مطيري وديني يرفع الراس=ولاّ انت في كربلا تضرب متونك

[صاهود]

ماهكذا تورد الابل الاستذان مطلوب ياراع الجدعا

[زبن الجعفري العنزي]

ياللي تحط البضايع وسط الاكياس= الدفن للي مثل شكلك ولونك
وقت مضى وانت بين الخوف والياس= تنباع واللي يبونك يشترونك

[صاهود]

لو ادري انك كذا مضغطك يادباس=حرام دمعك تهله من عيونك
لاعاد اشوفك تجي قطاع الارماس=دور مع اهل الشماليه زبونك

[صاهود]

صح السانك ياراع الجدعا

ولنا لقاء اخر باذن الله