ياحيهم عزوتي برقا مـع الروقـه

[أبن شويمي المرشدي]

السلام عليكم ورحمة الله وبركاته
يسعدني ويشرفني الانظمام الى هذا الصرح الشامخ
وهي اول مشاركه لي لعل وعسى ان تحوز على رضاكم

دقت هواجيس فكرن حان مبداهـا=حييت جزل القصيد وزان منطوقـه
مبدا القصيده ايبيـن كـل معناهـا=حكمتها عن ضعيف الراي وطقوقه
إعن القصايـد تميزفـي محياهـا=ماهيب منطق ضعيف نازل سوقـه
أقولها فالقبيله وكسـب إرضاهـا=أفخربهم عزوتي برقا مع الروقـه
عزوة عتيبه تنومس من تعزواهـا=أطنخ قبيله تحـط البـن وتسوقـه
والكيـف لاسيـق والله ماتعداهـا=ودخيلنا لازبن محدن قـدر عوقـه
جينـا لنجـد العذيـه وحتميناهـا=نجد العذيه لهـا الأرواح معشوقـه
بالعز جينا وكـل القـوم زحناهـا=وصرنابنجد المسمى غرب وشروقه
وصارت عتيبه تسوق الذود بحماها=في نجد ترتع بواديهـا وزملوقـه
برقا نحاز الحريـب إليـا تحداهـا=ماكنها ألى مخيل شاعـت ابروقـه
ولاد روق القبـايـل ماتهقـواهـا=قد قالها شاعر من غيض صندوقه
وختامها كان تبغي ضبط معناهـا=ياحيهم عزوتي برقا مـع الروقـه